ఏలూరు, మే 19 : తుపాను కారణంగా జిల్లా వ్యాప్తంగా భారీ వర్షాలు కురుస్తున్నాయి. పలు చోట్ల చిన్నపాటి జల్లులు నమోదవుతున్నా చాలా చోట్ల వర్షాల మోతాదు అధికమవుతూ వస్తోంది. అయితే రాత్రి సమయానికి తీవ్ర తుపానుగా మారే అవకాశం వుందన్న అంచనాలతో అధికార యంత్రాంగం పూర్తిస్థాయిలో అప్రమత్తమైంది. పలుచోట్ల ఇప్పటికే పరిస్థితులు ఇబ్బందికరంగా మారుతూ వస్తున్నాయి.

విజయనగరం (్ఫర్టు), మే 19: విజయనగరం పేరు గొప్ప.. ఊరు దిబ్బ అనే చందంగా ఉంది. సరైన పారిశద్ధ్య నిర్వహణ, భూగర్భ డ్రైనేజీ వ్యవస్థ లేకపోవడంతో పట్టణం మురికి కూపంగా దర్శనమి స్తోంది. పందుల సంచారం, చెత్తచెదారం నిండి ఉండటంతో జిల్లా కేంద్రానికి రాకపోకలు సాగించే ప్రజలు, స్థానికులకు రోతపుట్టిస్తోంది. ఇక వర్షం వచ్చిందంటే పట్టణ స్వరూపం మరింత దుర్భరంగా మారుతోంది.

విజయనగరం, మే 19: బంగాళాఖాతంలో ఏర్పడిన అల్పపీడనం కారణంగా జిల్లాలో గురువారం కూడా వర్షాలు కురిసాయి. మంగళవారం రాత్రి, బుధవారం ఉదయం ఒక మోస్తరు వర్షం కురియగా, బుధవారం రాత్రి నుంచి మొదలైన వర్షం గురువారం ఉదయం వరకు కొనసాగింది. జిల్లాలోని కొన్ని ప్రాంతాల్లో సాయంత్రం వరకు కూడా వర్షం కొనసాగింది. జిల్లాలో సగటు వర్షం 4.20సెంటీమీటర్లుగా నమోదయింది. అత్యధికంగా విజయనగరంలో 9.12సెంటీమీటర్ల వర్షం కురిసింది.

గజపతినగరం, మే 19: ప్రస్తుత ఆర్థిక సంవత్సరంలో రైతులకు 75కోట్ల రూపాయలు రుణాలు అందజేయాలని లక్ష్యంగా నిర్ణయించినట్లు జిల్లా కేంద్ర సహకార బ్యాంకు ముఖ్య కార్యనిర్వహణ అధికారి కె జనార్థన తెలిపారు. గురువారం స్థానిక పిఎసిఎస్‌లో విలేఖరులతో ఆయన మాట్లాడుతూ 40కోట్ల రూపాయలు స్వల్ప కాలిక రుణాలు, 35కోట్లరూపాయలు దీర్ఘకాలిక రుణాలు అందజేస్తామని చెప్పారు.