హైదరాబాద్: రాష్ట్ర విద్య పరిశోధన, శిక్షణ సంస్థలను యూనివర్శిటీలుగా అభివృద్ధి చేయాల్సిన అవసరం ఎంతైనా ఉందని కేంద్ర ప్రభుత్వం నియమించిన సమీక్షా కమిటీ అభిప్రాయపడింది. ఉపాధ్యాయ విద్య, జాతీయ కౌన్సిల్ పనివిధానం, టీచర్ ట్రైనింగ్ తీరు తెన్నులపై అందరి అభిప్రాయాలను సేకరించేందుకు కేంద్ర ప్రభుత్వం ఈ సమీక్షా కమిటీని నియమించింది. కమిటీ బుధవారం నాడు సమావేశమై వివిధ వర్గాల అభిప్రాయాలను సేకరించింది.

నల్లగొండ: తెలంగాణ తిరుపతిగా ప్రఖ్యాతిగాంచిన యాదాద్రి శ్రీ లక్ష్మీనరసింహస్వామి బ్రహ్మోత్సవాలు నేటి నుండి 11 రోజుల పాటు అత్యంత వైభవంగా నిర్వహించేందుకు యాదాద్రి దేవస్థానం సన్నాహాలు చేసింది. పంచనారసింహస్వామి క్షేత్రంగా, కోరిన కోరికలు తీర్చే ఇలవేల్పుగా భక్తుల పూజలందుకుంటున్న లక్ష్మీనరసింహుడి బ్రహ్మోత్సవాలకు రాష్ట్రంతో పాటు దేశ వ్యాప్తంగా లక్షలాది మంది భక్తులు హాజరుకానున్నారు.

సూర్యాపేట: ఇంటర్మీడియట్ పరీక్షల్లో అక్రమాలకు అడ్డాగా పేరొందిన నల్లగొండ జిల్లా సూర్యాపేటలో ఈ ఏడాది కూడా ఇంటర్ పరీక్షల్లో మాస్‌కాపీయంగ్ జోరుగా సాగుతోంది. పట్టణంలోని కొన్ని పరీక్షా కేంద్రాల నుండి పరీక్ష ప్రారంభమైన కొంతసేపటికే ప్రశ్నలు బయటకు పొక్కుతుండగా పరీక్ష ప్రారంభమైన అరగంటలోనే సంబంధిత సమాధానపత్రాలు పరీక్షా కేంద్రాలకు చేరుతున్నాయి.

కాకినాడ: ముఖ్యమంత్రి చంద్రబాబు నుండి గురువారం సాయంత్రంలోగా కాపుల సమస్యల పరిష్కారానికి లిఖితపూర్వక హామీ రాని పక్షంలో ఈనెల 11వ తేదీ నుండి మరోసారి ఆమరణ నిరాహార దీక్ష చేపట్టేందుకు మాజీ మంత్రి, కాపు ఉద్యమనేత ముద్రగడ పద్మనాభం సన్నద్ధమవుతున్నారు. ఈమేరకు కిర్లంపూడిలోని తన నివాసంలో గురువారం 13 జిల్లాల కాపు నేతలతో కీలక సమావేశాన్ని ఏర్పాటుచేస్తున్నారు.