మెదక్: జిన్నారం మండలం కాజీపల్లి పారిశ్రామిక వాడలోని ఓ ఫార్మా పరిశ్రమలో శనివారం తెల్లవారుజామున ప్రమాదం జరిగింది. రియాక్టర్ వద్ద పైపు ఊడిపోవడంతో రసాయనాలు పడి ఇద్దరు కార్మికులు గాయపడ్డారు. ఒకరి పరిస్థితి విషమంగా ఉండటంతో సికిందరాబాద్‌లోని గాంధీ ఆస్పత్రికి తరలించారు.

చిత్తూరు: చిత్తూరు జిల్లాలోని శ్రీకాళహస్తీశ్వర ఆలయానికి అపోలో హాస్పిటల్స్ అధినేత డాక్టర్ ప్రతాపరెడ్డి కుటుంబీకులు శనివారం 65 లక్షల రూపాయల విలువచేసే వెండి సింహవాహనాన్ని సమర్పించారు. ఈ నెల 7న మహాశివరాత్రి పర్వదిన సందర్భంగా జరిగే వాహన సేవలో ఈ వెండి సింహ వాహనాన్ని వినియోగిస్తామని ఆలయ అధికారులు తెలిపారు.

విజయవాడ (కార్పొరేషన్), మార్చి 4: సాగుచేసే ఎరువుల వినియోగం దుర్వినియోగం కాకుండా వాటి వినియోగాన్ని మరింత క్రమబద్దీకరించే క్రమంలో ఎలక్ట్రానిక్ పాయింట్ ఆఫ్ సేల్ (ఇ-పోస్) విధానంతో ఎరువుల విక్రయాలు జరుగుతాయని, కొనుగోలు చేసే వారి వివరాలను సమగ్రంగా పర్యవేక్షించేందుకు గాను ఇ-పోస్ పద్దతిని ప్రవేశపెడుతున్నట్టు జిల్లా కలెక్టర్ బాబు.ఎ పేర్కొన్నారు.

మచిలీపట్నం: రైతాంగ సంక్షేమమే ధ్యేయంగా తమ ప్రభుత్వం పనిచేస్తోందని రాష్ట్ర బిసి సంక్షేమ, చేనేత, ఎక్సైజ్ శాఖ మంత్రి కొల్లు రవీంద్ర అన్నారు. స్థానిక మార్కెట్ యార్డులో శుక్రవారం రైతు బంధు పథకం కింద ఎనిమిది మంది రైతులకు రూ.5.15 లక్షలు విలువ చేసే రుణాలను మంత్రి రవీంద్ర అందజేశారు.