అమరావతి, జనవరి 31: మిత్రపక్షమైన బీజేపీతో కలసి నడిచే విషయంలో టీడీపీ అధినేత, సీఎం చంద్రబాబునాయుడు స్పష్టమైన సంకేతాలిచ్చారు. పార్టీ నేతలెవరూ బీజేపీపై నోరుజారి మాట్లాడవద్దని హెచ్చరించారు. ఒకవేళ బీజేపీ నుంచి బయటకు వచ్చి ఏం చేస్తామంటూ నేతలను ప్రశ్నించడం ద్వారా, ఆ పార్టీతో తన భవిష్యత్తు వ్యూహమేమిటో చెప్పకనే చెప్పారు.

అమరావతి, జనవరి 31: ఏప్రిల్ 10 నుంచి 12 వరకు మూడు రోజుల పాటు జరిగే సంతోష నగరాల సదస్సు ద్వారా మరోసారి అమరావతి ప్రాభవాన్ని ప్రపంచానికి చాటే అవకాశం దక్కిందని ముఖ్యమంత్రి చంద్రబాబునాయుడు అభిప్రాయపడ్డారు. సంతోష సూచికలో తొలి 50 స్థానాలలో ఉన్న నగరాలకు లేఖలు రాయాలని అధికారులను ఆయన ఆదేశించారు.

విజయవాడ, జనవరి 31: అవసరమైతే రాష్ట్రంలో కోడి పందాల నిర్వహణకు సంబంధించి చట్టం తీసుకువస్తామని రాష్ట్ర ఉప ముఖ్యమంత్రి (హోం) చినరాజప్ప వెల్లడించారు. సినిమా టిక్కెట్ల ధరల పెంపు, వామపక్ష ఉగ్రవాదంపై మంత్రుల కమిటీ సమావేశాలు వెలగపూడి సచివాలయంలో బుధవారం జరిగాయి. అనంతరం ఆయన తన చాంబర్‌లో మీడియాతో మాట్లాడుతూ కోడి పందాల నియంత్రణలో పోలీసులు బాగా పని చేశారన్నారు. దాదాపు 3000 కేసులు నమోదు చేశారన్నారు.

విజయవాడ, జనవరి 31: దేశంలోనే రొయ్యల ఎగుమతిలో ప్రథమ స్థానంలో ఉన్న ఆంధ్రప్రదేశ్‌లో ఉత్పత్తి అవుతున్న రొయ్యల్లో ఎలాంటి యాంటీ బయోటిక్స్ అవశేషాలు లేకుండా పటిష్ఠ చర్యలు తీసుకొనేలా రాష్ట్ర ప్రభుత్వం సమాయత్తం అవుతోందని రాష్ట్ర మార్కెటింగ్, గిడ్డంగులు, పశుసంవర్థక, పాడిపరిశ్రమ, మత్స్య పరిశ్రమ, సహకార శాఖల మంత్రి ఆదినారాయణరెడ్డి చెప్పారు. రాష్ట్రంలో రూ. 20వేల కోట్ల విలువైన రొయ్యలు, రూ.