రాజమహేంద్రవరం, నవంబర్ 4: రాష్ట్రంలోని అన్ని దేవాలయాల భూములపై ఆన్‌లైన్ నిఘా ఏర్పాటు చేస్తున్నారు. ముందుగా 6ఎ, 6బి కేటగిరి ఆలయాలకు చెందిన భూములను ఆన్‌లైన్ ద్వారా పర్యవేక్షించేందుకు జియో ట్యాగింగ్ చేస్తున్నారు. దీనితో పాటు ప్రధాన ఆలయాల్లో బయోమెట్రిక్ విధానాన్ని అమల్లోకి తీసుకొస్తున్నారు.

కర్నూలు, నవంబర్ 4: రైతు నుంచి రూ.5 వేలు లంచం తీసుకున్న విఆర్‌ఓ వెంకటేశ్వర్లును కర్నూలు జిల్లా ఎసిబి అధికారులు శనివారం అరెస్టు చేశారు. కర్నూలు జిల్లా పూడూరు గ్రామానికి చెందిన రైతు పురుషోత్తంగౌడ్ తన పొలానికి సంబంధించిన పట్టాదారు పాసుపుస్తకం కోసం దరఖాస్తు చేసుకున్నాడు. అయితే పుస్తకం ఇచ్చేందుకు విఆర్‌ఓ వెంకటేశ్వర్లు రూ.5 వేలు లంచం డిమాండ్ చేశాడు.

గుంటూరు (పట్నంబజార్), నవంబర్ 4: బిసి కమిషన్‌కు చట్టబద్ధత కల్పించింది ప్రధాని నరేంద్ర మోదీ ప్రభుత్వమేనని బిజెపి మహిళామోర్చా జాతీయ ఇన్‌చార్జి, కేంద్ర మాజీ మంత్రి దగ్గుబాటి పురంధ్రీశ్వరి అన్నారు. 1955లో ఖేల్కర్ కమిటీ ఇచ్చిన నివేదికను అప్పటి ప్రభుత్వం బుట్టదాఖలు చేసిందని, మండల్ కమిషన్ అమలుకు నోచుకోలేదన్నారు.

హైదరాబాద్, నవంబర్ 4: పార్టీకి సేవలు అందించడానికి సమన్వయకర్తలను నియమించాలని జనసేన నిర్ణయించింది. ప్రస్తుతం ఈ నియామకాలు పార్లమెంటు నియోజకవర్గాలకు పరిమితమవుతాయి. జనసేన ఔత్సాహిక శిబిరాలను ఏర్పాటు చేసినపుడు సుమారు 65వేల మంది దరఖాస్తు చేశారు. ఈ డేటా అంతా జనసేన ఐటి విభాగంలో రికార్డుయింది. వీరిలో సుమారు ఎనిమిది వేల మందితో తొలి వడపోత జరిగింది. ఈ 8వేల మందిని జనసేన ఔత్సాహిక శిబిరాలకు ఆహ్వానిస్తారు.