రాజమహేంద్రవరం, నవంబర్ 2: అసెంబ్లీలో మాట్లాడటానికి, ప్రజా సమస్యలను చర్చించడానికి విపక్షానికి అవకాశం ఇవ్వడంలేదని, అందుకే శాసనసభ కంటే ప్రజాసభే నయమని, ప్రజలతో మమేకం కావడానికి జగన్ పాదయాత్రకు సిద్ధమయ్యారని వైఎస్సార్ కాంగ్రెస్ పార్టీ అధికార ప్రతినిధి అంబటి రాంబాబు తెలిపారు. జగన్ పాదయాత్ర తేదీలు నిర్ణయించిన తర్వాతే అసెంబ్లీ తేదీలు ప్రకటించారన్నారు.

చిత్తూరు, నవంబర్ 2: చిత్తూరు మాజీ ఎమ్మెల్యే సికె బాబు అలియాస్ జయచంద్రారెడ్డి, ఆయన సతీమణి డాక్టర్ సికె లావణ్యబాబు భారతీయ జనతా పార్టీ తీర్థం పుచ్చుకున్నారు. ఈ మేరకు గురువారం మధ్యాహ్నం బెంగళూరు పాత ఎయిర్‌పోర్టులోని విఐపి లాంజ్‌లో బిజెపి జాతీయ అధ్యక్షుడు అమిత్‌షా చేతుల మీదుగా పార్టీ కండువా కప్పుకుని లాంఛనంగా పార్టీలో చేరారు.

అరకులోయ, నవంబర్ 2: మావోయిస్టు ప్రభావిత ప్రాంతాల్లో 1380 కోట్ల రూపాయలతో రహదారులు నిర్మించనున్నట్టు రాష్ట్ర రోడ్లు, భవనాల శాఖ మంత్రి చింతకాయల అయ్యన్నపాత్రుడు తెలిపారు. గురువారం ఆయన విశాఖ జిల్లా అరకులోయలో అధికారులు, ప్రజాప్రతినిధులతో సమావేశం అనంతరం విలేఖరులతో మాట్లాడుతూ కేంద్ర ప్రభుత్వం విడుదల చేసిన నిధులతో నూతన రహదారులు నిర్మించి గిరిజన ప్రాంతాల అభివృద్ధికి బాట వేస్తామని చెప్పారు.

నిడదవోలు, నవంబర్ 2: విద్యుత్ షార్ట్ సర్క్యూట్ కారణంగా సంభవించిన అగ్నిప్రమాదంలో ఒక వృద్ధురాలు మంచంపైనే సజీవ దహనమయ్యింది. పశ్చిమ గోదావరి జిల్లా నిడదవోలు పట్టణంలో గురువారం ఈ విషాద ఘటన చోటుచేసుకుంది. వివరాల్లోకి వెళితే స్థానిక శాంతినగర్‌లో ఒక భవనం రెండవ అంతస్తులో యర్రా బుల్లెమ్మ తన కుమారుడు యర్రా నాగ వెంట సాయికృష్ణ, అత్తయ్య యర్రా సర్వలక్ష్మి (75)తో నివసిస్తున్నారు.