విశాఖపట్నం, అక్టోబర్ 24: తీర భద్రత కోసం ఏర్పాటు చేసిన కోస్టల్ సెక్యూరిటీ పోలీస్ వ్యవస్థ ఆర్థిక ఇబ్బందుల్లో కొట్టుమిట్టాడుతోంది. తీర భద్రత కోసం కేటాయించిన ఫాస్ట్ ఇంటర్‌సెప్టర్ బోట్లను నడిపేందుకు కావల్సిన డీజిల్ డబ్బులు కూడా లేని దయనీయ పర్థితులను ఎదుర్కొంటోంది. సిబ్బంది లేక విలవిల్లాడుతోంది. నిధులు లేక ముందుకు సాగలేకపోతోంది. ముంబై దాడులు తరువాత తీర భద్రతకు కేంద్రం అధిక ప్రాధాన్యం ఇచ్చింది.

తిరుపతి, అక్టోబర్ 23: పవిత్ర నాగులచవితి పర్వదినాన్ని పురస్కరించుకుని శ్రీ మలయప్పస్వామి తన ఉభయదేవేరులైన శ్రీదేవి, భూదేవిలతో కూడి ఏడు పడగల పెద్దశేష వాహనంపై సోమవారం సాయంత్రం తిరుమాడ వీధులలో ఊరేగుతూ భక్తులను కనువిందు చేశారు. కాగా దీపావళి అమావాస్య తరువాత వచ్చే కార్తీక శుద్ధ చతుర్థిని నాగులచవితిగా వ్యవహరిస్తారు. శ్రావణ శుద్ధ చతుర్థినాడు కూడా ఈ పండుగను జరుపుకుంటారు.

విజయవాడ, అక్టోబర్ 23: నిరుద్యోగ భృతి చెల్లింపునకు వీలైనంత త్వరగా తుదిరూపు తీసుకురావాలని అధికారులను రాష్ట్ర పంచాయితీరాజ్ శాఖ మంత్రి నారా లోకేశ్ ఆదేశించారు. వెలగపూడి సచివాలయంలో నిరుద్యోగ భృతికి సంబంధించి విధాన రూపకల్పనపై ఆయన సోమవారం అధికారులతో చర్చించారు. ఈ సందర్భంగా మంత్రి మాట్లాడుతూ నిరుద్యోగ భృతి చెల్లింపునకు అర్హత, ప్రాతిపదికను ఖరారు చేయాల్సిన అవసరం ఉందన్నారు.

కాకినాడ, అక్టోబర్ 23: కాకినాడ బీచ్ ఫెస్టివల్-2018 నిర్వహణకు ప్రభుత్వ యంత్రాంగం సన్నాహాలు చేస్తోంది. ఈ ఫెస్టివల్‌ను రెండు సంవత్సరాలుగా రాష్టస్థ్రాయి ఉత్సవంగా ప్రభుత్వం నిర్వహిస్తున్న నేపథ్యంలో ఈదఫా కూడా ప్రతిష్ఠాత్మకంగా నిర్వహించడానికి ఏర్పాట్లుచేయాలని ప్రభుత్వం ఆదేశించింది. దీంతో ఇక్కడ బీచ్ ఫ్రంట్ అభివృద్ధి పనులను యుద్ధప్రాతిపదికన నిర్వహిస్తున్నారు.