విజయవాడ, జూన్ 29: ప్రభుత్వ విద్యాలయాల బలోపేతమే లక్ష్యంగా ప్రతి పాఠశాలలోనూ పూర్తిస్థాయి వౌలిక సదుపాయాలు కల్పించనున్నామని, ఇందుకోసం రూ.4,139 కోట్లను ఖర్చు చేయనున్నామని రాష్ట్ర మానవ వనరుల అభివృద్ధి శాఖ మంత్రి గంటా శ్రీనివాసరావు స్పష్టం చేశారు. నవ్యాంధ్ర అనేక కష్టాల్లో ఉన్నప్పటికీ విద్యారంగానికి సిఎం చంద్రబాబునాయుడు పెద్దపీట వేస్తున్నారని తెలిపారు.

భీమవరం, జూన్ 29: ఆదాయ పన్ను శాఖ పర్మినెంట్ అకౌంట్ నెంబర్ (పాన్)కు ఆధార్ అనుసంధానం ప్రక్రియ ప్రజలను ఇక్కట్లకు గురిచేస్తోంది. జూన్ 30వ తేదీ అనుసంధానానికి చివరి తేదీ అని గతంలోనే కేంద్ర ప్రభుత్వం ప్రకటించినా పెద్దగా పట్టించుకోని ప్రజలు ఇక రెండు రోజులే మిగిలివుండటంతో హడావుడి పడుతున్నారు.

అమరావతి, జూన్ 29: దేవాలయ పర్యాటకాన్ని పెంపొందించేందుకు పర్యాటక బోర్డు పలు నిర్ణయాలు తీసుకుంది. పర్యాటకులకు మెరుగైన సౌకర్యాలు కల్పించేందుకు అన్ని మార్గాలను అనే్వషిస్తున్న పర్యాటకశాఖ నూతనంగా 6 ఆధునిక వోల్వో బస్సులను కొనుగోలు చేయాలని నిర్ణయించింది. ఇందుకోసం దాదాపు రూ.9 కోట్లను వ్యయం చేయనున్నారు. సచివాలయంలో పర్యాటక అభివృద్ధి సంస్థ బోర్డు సమావేశం జరిగింది.

తిరుపతి, జూన్ 29: ఖరీఫ్‌లో రైతులకు విత్తనాల కొరత లేకుండా చర్యలు తీసుకుంటున్నామని రాష్ట్ర వ్యవసాయ శాఖా మంత్రి సోమిరెడ్డి చంద్రమోహన్ రెడ్డి స్పష్టం చేశారు. గురువారం ఉదయం మంత్రి సోమిరెడ్డి శ్రీవారిని దర్శించుకున్నారు. అనంతరం ఆలయం వెలుపల మంత్రి మీడియాతోమాట్లాడుతూ పెద్ద నోట్ల రద్దు ప్రభావం వ్యవసాయ రుణాల మంజూరుపై పడిందని అన్నారు. ఖరీఫ్ సీజన్‌లో రైతులకి రూ.