మాడుగుల, జూలై 2: విశాఖ జిల్లా మాడుగుల మండలం జాలంపల్లి పంచాయతీ కొత్తపల్లి గ్రామంలోని పెద్దేరు జలాశయంలోని ఎడమ కాలువలో స్నానానికి దిగిన ముగ్గురు యువకులు దుర్మరణం పాలయ్యారు. విశాఖపట్నంలోని వరల్డ్ నెట్ సర్వీసు సాఫ్ట్‌వేర్ కంపెనీలో పనిచేస్తున్న పది మంది యువకులు విహార యాత్రకు ఆదివారం పెద్దేరు జలాశయానికి వచ్చారు.

విజయవాడ, జూలై 2: రాష్ట్రంలో వైసిపి నాయకుల పరిస్థితి చూస్తుంటే దొంగే దొంగా.. దొంగా అన్నట్టుగా ఉందని అనకాపల్లి ఎంపీ అవంతి శ్రీనివాస్ ఆరోపించారు. విశాఖ భూదందాపై సిట్ విచారణ ప్రారంభం కావడంతో తల్లి, పిల్ల కాంగ్రెస్ నాయకుల గుండెల్లో రైళ్లు పరిగెడుతున్నాయన్నారు.

తిరుపతి, జూలై 2: తిరుమల శ్రీ వేంకటేశ్వరస్వామి వారి ఉత్సవమూర్తి అయిన మలయప్ప స్వామికి ఓ అజ్ఞాత భక్తుడు రూ.2.50 కోట్లు విలువ చేసే స్వర్ణ భుజకీర్తులను విరాళంగా సమర్పించారు. ఆదివారం ఈ ఆభరణాలను ఆలయంలో అధికారులకు అందజేశారు. ఇందుకు సంబంధించి ఆలయ ప్రధాన అర్చకులు రమణదీక్షితులు మాట్లాడుతూ ఈ ఆభరణాలను ఆదివారం ఆస్థానం రోజున స్వామివారికి సమర్పిస్తామన్నారు.

విజయవాడ, జూలై 2: రాజధాని అమరావతిలో నిర్మిస్తున్న అంబేద్కర్ స్మృతివనంలో ఏర్పాటు చేయనున్న డాక్టర్ బిఆర్ అంబేద్కర్ విగ్రహ నమూనాను సాంఘిక, గిరిజన సంక్షేమ శాఖ మంత్రి నక్కా ఆనందబాబు ఆదివారం పరిశీలించారు. కృష్ణా జిల్లా హనుమాన్ జంక్షన్ మండలం మంగులూరు గ్రామంలో తయారుచేస్తున్న అంబేద్కర్ విగ్రహ నమూనాని ఆయన పరిశీలించిన అనంతరం కళాకారులను వివరాలు అడిగి తెలుసుకున్నారు.