విజయవాడ, జూన్ 27: తూర్పుగోదావరి జిల్లా గిరిజన ప్రాంతంలో చోటు చేసుకున్న మరణాలపై రాష్ట్ర వైద్య, ఆరోగ్య శాఖ తీరు వ్యవహరించిన తీరుపై ముఖ్యమంత్రి చంద్రబాబు అసంతృప్తి వ్యక్తం చేశారు. 16 మంది మృత్యువాత పడిన తరువాత యంత్రాంగంలో కదలిక రావడం సరికాదంటూ వ్యాఖ్యానించారు. వెలగపూడి సచివాలయంలో ఏజన్సీ ప్రాంతాల్లో గిరిజనులకు అందిస్తున్న వైద్య సేవలపై సిఎం మంగళవారం సమీక్ష నిర్వహించారు.

రాజమహేంద్రవరం, జూన్ 27: తూర్పు గోదావరి జిల్లాలో మలేరియా మహమ్మారి మృత్యుతాండవం కొనసాగుతూనేవుంది. ఇప్పటికే జిల్లాలోని వై.రామవరం మండలంలో 16మందిని బలితీసుకున్న ఈ మహమ్మారి, ప్రస్తుతం విలీన ప్రాంతం విఆర్‌పురం మండలంలో కరాళనృత్యం మొదలెట్టింది. వారం రోజుల వ్యవధిలో ఈ మండలంలో ముగ్గురు మృతిచెందగా, చింతూరు మండలంలో మరో వ్యక్తి మృతిచెందాడు. పలువురు వ్యాధితో బాధపడుతూ చికిత్స పొందుతున్నారు.

విశాఖపట్నం, జూన్ 27: విశాఖ ఆర్టీసీ రీజనల్ మేనేజర్ కార్యాలయంలో పర్సనల్ ఆఫీసర్ (పిఓ)గా పనిచేస్తున్న ఉద్యోగిని అవినీతి నిరోధక శాఖ అధికారులు పట్టుకున్నారు. అద్దె కార్లకు సంబంధించి బిల్లు పెట్టేందుకు రూ.10 వేలు లంచం డిమాండ్ చేసిన పిఒ మురళీమోహన్ దొరికిపోయారు. అప్పలరెడ్డి ఆర్టీసీలో 2 కార్లను అద్దె ప్రాతిపదికన నడుపుతున్నాడు.

విజయవాడ, జూన్ 27: ఉత్తరాంధ్ర జిల్లా ల్లో పంటల ఉత్పాదకత భారీగా పెంచేందుకు చర్యలు తీసుకుంటున్నామని రాష్ట్ర వ్యవసాయ శాఖ మంత్రి సోమిరెడ్డి చంద్రమోహన రెడ్డి తెలిపారు. మంగళవారం సచివాలయంలోని పబ్లిసిటీ సెల్‌లో జరిగిన విలేఖర్ల సమావేశంలో ఆయన మాట్లాడుతూ రాష్ట్ర సగటుతో పోలిస్తే విశాఖపట్నం, విజయనగరం, శ్రీకాకుళం జిల్లాల్లో పంటల ఉత్పాదకత తక్కువగా ఉందని, గిరిజన ప్రాంతాల్లో మరీ తక్కువగా ఉందని...