మంత్రాలయం, ఫిబ్రవరి 28: మంత్రాలయం శ్రీ రాఘవేంద్రస్వామి మఠంలో గురువైభవోత్సవాలు మంగళవారం ప్రారంభమయ్యాయి. ఉత్సవాల్లో భాగంగా శ్రీ రాఘవరాయుల పట్ట్భాషేకం మహోత్సవం వేడుకగా జరిగింది. రాఘవేంద్రుల మూల బృందావనానికి పీఠాధిపతి శ్రీ సుభుదేంద్రతీర్థులు ఆధ్వర్యంలో విశేష పంచామృతాభిషేకం నిర్వహించారు. అనంతరం స్వామి బంగారు పాదుకలను బంగారు సింహాసనంపై ఉంచి పూజలు నిర్వహించి హారతి ఇచ్చారు.

విజయవాడ, ఫిబ్రవరి 28: మరో ప్రతిష్టాత్మక ఎత్తిపోతల పథకానికి రాష్ట్ర ప్రభుత్వం శ్రీకారం చుట్టబోతోంది. భారీ వర్షాలు, వరదల సమయంలో కొండవీటి వాగు పరిసర ప్రాంతాలు ముంపునకు గురవడాన్ని నిరోధించడం కోసం ఎత్తిపోతల పథకాన్ని నిర్మించడానికి సిద్ధమవుతోంది. కొండవీటి వాగు, కృష్ణానదిలో కలిసే ప్రదేశంలో ఈ ఎత్తిపోతల నిర్మాణం చేపట్టాలని ప్రభుత్వం నిర్ణయించింది.

విజయవాడ (క్రైం), ఫిబ్రవరి 28: కృష్ణాజిల్లా ముండ్లపాడు వద్ద జరిగిన ఘోర బస్సు ప్రమాదంలో మృత్యువాత పడిన ప్రయాణికుల కుటుంబాలు తీరని శోకసముద్రంలో మునిగిపోయాయి. ప్రమాదంలో ప్రాణాలు కోల్పోయినవారిని చూసి తమ కుటుంబ సభ్యులు, బంధువులు బోరున విలపించారు. కొన్ని గంటల ముందు ఆనందంగా తమతో గడిపిన తమ వారిని ఇంత ధైన్యంగా చూడాల్సిన దుస్థితి ఏర్పడటాన్ని జీర్ణించుకోలేని బాధిత కుటుంబాలు తల బాదుకున్నారు.

పెనుగంచిప్రోలు/వత్సవాయి, ఫిబ్రవరి 28: అతివేగం, డ్రైవర్ నిద్రమత్తు కారణంగానే దివాకర్ ట్రావెల్స్ బస్సు ప్రమాదం జరిగినట్లు డిజిపి సాంబశివరావు పేర్కొన్నారు. మంగళవారం కృష్ణాజిల్లా ముండ్లపాడు వద్ద బస్సు ప్రమాద సంఘటన ప్రదేశాన్ని ఆయన పరిశీలించారు.