విజయవాడ, ఫిబ్రవరి 28: రాష్ట్ర చీఫ్ సెక్రటరీగా అజయ్ కల్లం మంగళవారం పదవీ బాధ్యతలు వెలగపూడి సచివాలయంలో స్వీకరించారు. ఇప్పటి వరకూ సిఎస్‌గా వ్యవహరించిన ఎస్‌పి టక్కర్‌కు రెండు సార్లు పదవి కాలం పొడిగింపు అనంతరం మంగళవారం ఆయన పదవీ విరమణ చేశారు. ఈ సందర్భంగా సిఎం చంద్రబాబు నాయుడును కల్లం మర్యాదపూర్వకంగా కలిశారు. సిఎం ఆయనకు అభినందనలు తెలిపారు.

చిత్రం..సిఎంను కలిసిన కొత్త సిఎస్ కల్లం

విజయవాడ, ఫిబ్రవరి 27: పోలవరం ప్రాజెక్టు నిర్మాణం కోసం కేంద్రం ఇవ్వాల్సిన రూ.16వేల కోట్ల నిధుల విషయమై రాష్ట్ర మంత్రిమండలిలో చర్చించి మరోసారి ప్రధానమంత్రికి లేఖ రాయాలని అధికారులను ముఖ్యమంత్రి చంద్రబాబునాయుడు ఆదేశించారు. బిసి, ఎస్‌సి, ఎస్‌టి, కాపు, బ్రాహ్మణ, మైనార్టీ వర్గాలతోపాటు ఆర్థికంగా వెనుకబడిన తరగతుల వారికి కూడా ఈసారి బడ్జెట్‌లో తగిన న్యాయం చేయాల్సి ఉందని సిఎం అభిప్రాయపడ్డారు.

చింతూరు, ఫిబ్రవరి 27: మందుపాతర అమర్చి విధ్వంసం సృష్టిద్దామని మావోయిస్టులు పన్నిన వ్యూహం బెడిసికొట్టి చివరికి వారి ప్రాణాలనే బలిగొన్న సంఘటన తూర్పు గోదావరి జిల్లా చింతూరు మండలంలో ఆదివారం రాత్రి చోటుచేసుకుంది. పోలీసులు తెలిపిన వివరాల ప్రకారం..సోమవారం తెలంగాణా రాష్ట్రం బంద్‌కు మావోయిస్టులు పిలుపునిచ్చారు. బంద్ రోజున విధ్వంసం సృష్టించి తమ ఉనికిని చాటుకునేందుకు మావోయిస్టులు వ్యూహం పన్నారు.

విజయవాడ, ఫిబ్రవరి 27: రాష్ట్ర విభజన తరువాత తొలిసారిగా బడ్జెట్ సమావేశాలు వెలగపూడిలో నూతనంగా నిర్మించిన అసెంబ్లీ భవనంలో మార్చి 6 నుంచి ప్రారంభం కానున్నాయి. అసెంబ్లీ, శాసన మండలి భవనాలను మార్చి 2న లాంఛనంగా ముఖ్యమంత్రి చంద్రబాబు నాయుడు ప్రారంభించనున్నారు.