అమరావతి, మార్చి 3: హైకోర్టు ఆదేశాల మేరకు ఈ నెలాఖరులోగా స్థానిక సంస్థల ఎన్నికలు పూర్తి చేయాలని అధికారులను ముఖ్యమంత్రి వైఎస్ జగన్ మోహన్‌రెడ్డి ఆదేశించారు. ఈ విషయమై రాష్ట్ర ఎన్నికల సంఘం ప్రధానకార్యదర్శితో అధికారులు బుధవారం సమావేశమై నోటిఫికేషన్‌పై చర్చించాలని సూచించారు. ‘స్పందన’ కార్యక్రమంపై సమీక్ష సందర్భంగా కలెక్టర్లు, ఎస్పీలతో మంగళవారం సచివాలయం నుండి ముఖ్యమంత్రి వీడియో కాన్ఫరెన్స్ నిర్వహించారు.

గుంటూరు, మార్చి 2: భారతదేశంలోనే తొలిసారిగా మన రాష్ట్రంలో ప్రవేశపెట్టిన దిశ పోలీసుస్టేషన్ల నిర్వహణ, విధుల్లో కీలకపాత్ర పోషించాలని, మహిళల రక్షణే బాధ్యతగా ఇందుకోసం ఎంపికైన యువత భావించాలని డీజీపీ గౌతమ్ సవాంగ్ పేర్కొన్నారు.

అమరావతి, మార్చి 2: రాష్ట్రంలో ఐఏఎస్ అధికారుల పదోన్నతులు, సీనియర్ టైం స్కేల్‌కు సంబంధించి స్క్రీనింగ్ కమిటీని ఏర్పాటు చేస్తూ సోమవారం ప్రభుత్వం ఉత్తర్వులు జారీ చేసింది. ప్రభుత్వ ప్రధాన కార్యదర్శి నీలం సాహ్ని చైర్మన్‌గా, జీఏడీ (పొలిటికల్) ముఖ్య కార్యదర్శితో పాటు సాంఘిక సంక్షేమశాఖ కార్యదర్శి ముద్దాడ రవిచంద్ర సభ్యులుగా స్క్రీనింగ్ కమిటీ ఏర్పాటు కానుంది.

గుంతకల్లు: హంద్రీనీవాలో ప్రవహిస్తున్న కృష్ణాజలాలను కర్నూలు జిల్లా ఆలూరు బ్రాంచ్‌కెనాల్‌కు మళ్లించాలని డిమాండ్ చేస్తూ మంత్రి గుమ్మనూర్ జయరాం ఆధ్వర్యంలో కర్నూలు జిల్లా రైతులు హంద్రీనీవా కాలువకు సోమవారం గండి కొట్టే ప్రయత్నం చేయడంతో ఉద్రిక్తత నెలకొంది. సమాచారం అందుకున్న పోలీసులు, హంద్రీనీవా సైట్ ఇంజినీర్లు అక్కడికి చేరుకున్నారు. మంత్రి, రైతులకు నచ్చజేప్పే ప్రయత్నం చేసినా ఫలితం లేకుండాపోయింది.