విజయవాడ(సిటీ), మార్చి 5: రాష్ట్ర వ్యాప్తంగా ఇంటర్ మీడియట్ పరీక్షలు ప్రశాంతంగా జరుగుతున్నాయి. 4వ తేదీ నుండి ప్రారంభమైన పరీక్షల్లో భాగంగా గురువారం ద్వితీయ సంవత్సరం సెకండ్ లాంగ్వేజ్ - 2 పరీక్ష నిర్వహించారు. ఇందుకోసం అధికారులు రెండోనెంబర్ ప్రశ్నపత్రం సెట్‌ను ఎంపిక చేశారు. రాష్ట్ర వ్యాప్తంగా 4,69,203 లక్షల మంది విద్యార్థులు హాజరు కానున్న ద్వితీయ సంవత్సర పరీక్షల కోసం 1411 సెంటర్లను ఏర్పాటు చేశారు.

రాజమహేంద్రవరం, మార్చి 5: ఉగాది నాడు ప్రభుత్వం నిర్ధేశిత లక్ష్యం మేరకు పంపిణీ చేయతలపెట్టిన ఇళ్ల స్ధలాలకు అనువైన ప్రైవేటు భూములను సత్వరం సేకరించడానికి కృషిచేయాలని రాష్ట్ర భూపరిపాలన ప్రధాన కమిషనర్ (సీసీఎల్‌ఏ) నీరబ్‌కుమార్ ప్రసాద్ అధికారులను ఆదేశించారు. తూర్పు గోదావరి జిల్లా రాజమహేంద్రవరం సబ్-కలెక్టర్ కార్యాలయంలో రెవెన్యూ శాఖాధికారులతో గురువారం ఆయన సమీక్షా సమావేశం నిర్వహించారు.

విజయవాడ, మార్చి 5: రాష్ట్రంలో మద్యం అక్రమ తయారీ, ఇసుక అక్రమ రవాణా ఉండకూదని అధికారులకు ముఖ్యమంత్రి జగన్‌మోహన్ రెడ్డి స్పష్టం చేశారు. గ్రామాల స్వరూపాన్ని మార్చేందుకు అనేక కార్యక్రమాలు చేపడుతున్న తరుణంలో ఇసుక అక్రమ తవ్వకాలు, రవాణా, అక్రమ మద్యం తయారీ వంటివి ప్రభుత్వ లక్ష్యాలను దెబ్బతీస్తాయన్నారు.

విజయవాడ: రాష్ట్రంలో స్థానిక సంస్థల ఎన్నికలను శాంతియుతంగా ప్రజాస్వామ్య పద్ధతుల్లో నిర్వహించేందుకు సర్వ సన్నద్ధంగా ఉన్నామని రాష్ట్ర ఎన్నికల కమిషనర్ ఎన్ రమేష్‌కుమార్ తెలిపారు.