న్యూఢిల్లీ, మే 19: వ్యాపారాల్లోని అక్రమాలను అరికట్టే కాంపిటీషన్ కమిషన్ ఆఫ్ ఇండియా (సిసిఐ) చైర్‌పర్సన్ పోస్టుకు ఎవరిని నియమించాలా అని ప్రభుత్వం అభ్యర్థిని అనే్వషిస్తోంది. సిసిఐ చైర్మన్‌కు నెలకు 4.5 లక్షల రూపాయల కన్సాలిడేటెడ్ వేతనం ఇస్తారు. సిసిఐకు మూడో చైర్మన్‌గా 2016 జనవరి వరకు అశోక్ చావ్లా వ్యవహరించగా, తర్వాత ఈ పదవి చేపట్టిన సిక్రీ (65) పదవీ కాలం ఈ జూలైతో ముగుస్తుంది.

న్యూఢిల్లీ, మే 18: మదుపర్ల ధనాన్ని వసూలు చేసేందుకు వీలుగా, ఎంపీఎస్ గ్రీనరీ డెవలపర్స్ కు చెందిన 18 ఆస్తులను వేలం వేయాలని సెబీ నిర్ణయించింది. మొత్తం రూ.67 కోట్ల విలువైన వీ టికి వచ్చేనెల ఆన్‌లైన్‌లో వేలం నిర్వహిస్తుంది. గతేడాది జూన్‌లోవేలం వేసిన 14 ఆస్తులకు, గత ఫిబ్రవరిలో వేలం వేసిన 18 ఆస్తులకు ఇవి అద నం. కలకత్తా హైకోర్టు ఆదేశాల మేరకు సెబీ ఈ ఆస్తుల వేలం ప్రక్రియ ప్రారంభించింది.

న్యూఢిల్లీ, మే 18: అంతర్జాతీయ మార్కెట్‌లో క్రూడాయిల్ ధరలను పెంచడంలో నిగ్రహం పాటిస్తూ స్థిరంగా ఉండేలా చూడాలని కేంద్ర చమురు శాఖ మంత్రి ధర్మేంద్ర ప్రదాన్ ఒపెక్ దేశాలకు నేతృత్వం వహిస్తున్న సౌదీ అరేబియాను కోరారు. ముడిచమురు ధరను పెంచడం వల్ల భారత ఆర్థిక వ్యవస్థ, వినియోగదార్లపై భారం పడుతుందని ఆయన పేర్కొన్నారు. బ్యారల్ ధర 80 అమెరికన్ డాలర్లకు చేరుకున్న నేపథ్యంలో ఆయన పైవిధంగా కోరడం గమనార్హం.

న్యూఢిల్లీ, మే 18: ఆంధ్రప్రదేశ్‌లో వాల్‌మార్ట్ సంస్థ పెట్టుబడులు పెట్టేందుకు సుముఖంగా ఉందని రాష్ట్ర గ్రామీణాభివృద్ధి, ఐటీ శాఖ మంత్రి నారా లోకేష్ వెల్లడించారు. దీని ద్వారా ఏపీలోని 15వేల మంది రైతులకు ఉపయోగపడుతుందని ఆయన చెప్పారు. ఆంధ్రప్రదేశ్‌లో పెట్టుబడలు పెట్టాలని యూఎస్-ఇండియా బిజినెస్ కౌన్సిల్ ప్రతినిధులకు లోకేష్ విజ్ఞప్తి చేశారు.