గుబురు గుబురుగా అల్లుకున్న మనుషుల మధ్య
చెమట పూలు తెల్లగా విచ్చుకున్నాయ
ప్రయాణం అనాథవ్వకూడదు
అదొక సామూహిక జీవమున్న చలనమవ్వాలి

కోటీలో సోహెల్ భవిష్యత్తు మెత్తగా నవ్వుతోంది
చాదర్‌ఘాట్ ఒంపులో గప్పుమన్న స్వచ్ఛ్భారత్
మలక్‌పేట ఇరుకుల్లో చక్రాల సంశయం
దిల్‌కుష్‌నగర్‌లో ఆందోళన
నక్కినక్కి చూస్తోంది

దారి లేని అడవి..
పంజా విప్పి తెల్ల పెద్దపులి
అణువు గుండెనిండా
రేపును ఛిద్రం చేసే
నివురు గప్పిన విస్ఫోటనాలు
వీరుడా.. నువ్వెలా యుద్ధం చేస్తావ్

బోసి నవ్వులకు ఊపిరిలూదే
పిల్ల వాయువులు ఉండబోవు
నువ్వు బంధించిన అరచేతిలోని
సూర్యకిరణాలు నిన్ను ఒంటరి చేస్తాయ

వౌనమెంత కురిసి
యంత భావవౌతుంది
భావమెంత కరిగి
కొంత వేదనవుతుంది

మాటలన్ని గొంతులోన
వింతలౌతుంటే
వింతలన్ని ఊహలోన
మాటలౌతున్నవి

గుండెలోన దాగివున్న
మధురమైన వేదన
ఎదలోన మిగిలివున్న
అమరమైన రోదన

కన్నీరు కారి కారి
గాయవౌతున్నది
ఇన్నాళ్లు వేచి వేచి
అలసటవుతున్నది

రాజకీయం సర్వదా ఒక అవకాశవాదం
రాజ్యాంగ ముసుగులో దాగిన మరో వేదం
అన్ని రంగాలను ఆవహించిన పెను ప్రమాదం
స్వార్థపరుల మనుగడకు సదా ప్రమోదం
నయవంచన దీని లక్షణం
మాట మార్చగలదు తక్షణం
పదవి ప్రధాన లక్ష్యం
పాలన మాత్రం సాంతం నిర్లక్ష్యం
సప్తవ్యసనాలకు కీలక కేంద్రం
అవినీతికి అంతులేని సంద్రం
తరతరాలకు తరగని ఆస్తి