S ,7 à 8 RSCA (si SASPAS) et 6 cialis pharmacie cialis rapports de stage.

నేర్చుకుందాం

08/24/2018 - 18:49

చ.హలికునకున్ హలాగ్రమున వర్థము చేకురుభంగి, దప్పిచే
నలమట జెందువానికి సురాపగలో జలమబ్బినట్లు, దు
ర్మలినమనోవికారినగు మర్త్యుని నన్నొడగూర్చి నీపయిన్
దలపు ఘటింపజేసితివి దాశరథీ కరుణాపయోనిధీ.

08/23/2018 - 20:21

ఉ.కంటి నదీతటంబుఁ బొడగంటిని భద్రనగాధివాసమున్
గంటి నిలాతనూజ నురుకార్ముకమార్గణశంఖచక్రముల్
గంటిని మిమ్ము లక్ష్మణుని గంటి, కృతార్థుఁడనైతి, నో జగ
త్కంటకదైత్యనిర్దళన! దాశరథీ కరుణాపయోనిధీ!

08/22/2018 - 19:49

ఉ.శ్రీరమ సీతగాఁగ నిజసేవకబృందము వీరవైష్ణవా
చార జనంబుగాఁగ విరజానదిగౌతమిగా వికుంఠము
న్నారయ భద్రశైల శిఖరాగ్రముగాఁగ, వసించుచేనో
ద్ధారకుఁడైన విష్ణుఁడవు, దాశరథీ, కరుణాపయోనిధీ!

08/21/2018 - 18:58

ఉ.పండిత రక్షకుం డఖిల పాపవిమోచనుఁడబ్జసంభవా
ఖండలపూజితుండు దశకంఠవిలుంఠనచండకాండకో
దండకళాప్రవీణుఁ డగుతానకకీర్తివధూటికిత్తుఁ బూ
దండలు గాఁగ నాకవిత, దాశరథీ కరుణాపయోనిధీ.

08/20/2018 - 20:43

చ.అజునకుఁ దండ్రివయ్యు, సనకాదులకుం బరతత్త్వమయ్యు, స
ద్ద్విజముని కోటికెల్లఁ గులదేవతవయ్యు, దినేశవంశభూ
భుజులకు మేటివయ్యు, బరిపూర్ణుఁడవై వెలుఁగొందు పక్షిరా
డ్ద్వజ, మిముఁ బ్రస్తుతించెదను, దాశరథీ, కరుణాపయోనిధీ.

08/19/2018 - 22:27

చ.పరమదయానిధే పతితపావననామ, హరే యటంచు సు
స్థిరమతులై సదా భజనచేయు మహాత్ముల పాదధూళి నా
శిరమునఁ దాల్తు మీరటకుఁ జేరకుఁడంచు యముండు కింకరో
త్కరముల కానబెట్టునట, దాశరథీ కరుణాపయోనిధీ.

08/17/2018 - 18:40

దాశరథి శతకం
*
ఉ.ముప్పునఁ గాలకింకరులు ముంగిట నిల్చినవేళ, రోగముల్
గొప్పరమైనచో గఫము కుత్తుకనిండినవేళ, బాంధవుల్
గప్పినవేళ, మీస్మరణ గల్గునొ, గల్గదొ నాటికిప్పడే
తప్పక చేతు మీభజన, దాశరథీ, కరుణాపయోనిధీ.
*

08/16/2018 - 19:30

దాశరథి శతకం
*
చ.హరునకు నవ్విభీషణున కద్రిజకుం దిరుమంత్రరాజమై
కరికి నహల్యకున్ ద్రుపదకన్యకు నార్తిహరించు చుట్టమై
పరగినయట్టి నీ పతితపావననామము జిహ్వపై నిరం
తరము నటింపఁజేయుమిఁక దాశరథీ కరుణాపయోనిధీ.
*

08/15/2018 - 21:14

ఉ.దారుణపాతకాబ్దికి సదా బడబాగ్ని భవాకులార్తివి
స్తారదవానలార్చికి సుధారసవృష్టి దురంతదుర్మతా
చారభయంకరాటవికి చండకఠోరకుఠారధార నీ
తారకనామమెన్నుకొన దాశరథీ కరుణాపయోనిధీ.

08/14/2018 - 21:11

దాశరథి శతకం
*
చ.తరణికులేశ, నా నుడులఁ దప్పులు గల్గిన నీదునామస
ద్విరచితమైన కావ్యము పవిత్రముగాదె? వియన్నదీజలం
బరుగుచు వంకయైన మలినాకృతిఁ బారినఁ దన్మహత్త్వముం
దరమె గణింప నెవ్వరికి? దాశరథీ, కరుణాపయోనిధీ.

Pages