S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
చ. హరిపదభక్తి నింద్రియజయాన్వితుఁడుత్తముఁ డింద్రియమ్ములన్
మరుగక నిల్పనూదినను మధ్యముఁ డింద్రియ పారవశ్యుఁడై
పరగినచో నికృష్ణుఁడని పల్కఁగ, దుర్మతి నైన నన్ను నా
దరమున నెట్లు కాచెదవొ? దాశరథీ కరుణాపయోనిధీ!
చ. దురితల తానుసారి భవ దుఃఖదంబము రామనామభీ
కరతర హేతిచేఁ దీగి పకాపకలై చనకుండ నేర్చునే
దరికొని మండుచుండు శిఖి దార్కొనినన్ శలభాదికీటకో
త్కరము విలీనమై చనదె ? దాశరథీ కరుణాపయోనిధీ!
చ. ముదమున కాటపట్టు, భవమోహమదద్విరదాంకుశంబు సం
పదలకొటారు, కోరికల పంట, వరంబున కాది, వైరుల
న్నదన జయించు త్రోవ , విపబ్దికి నావ గదా సదా భవ
త్పదమల నామ సంస్కరణ దాశరథీ కరుణాపయోనిధీ!
చ. మనమున నూహపోహణలు నుర్వక మునె్న, కఫాది రోగముల్
దనువున నంటి మేనిబిగి దప్పక మునె్న, నరుండు మోక్ష సా
ధన మొనరింపఁ గావలయుఁ దత్త్వవిచారము మాని యుండుటల్
తనువునకున్ విరోధమది దాశరథీ కరుణాపయోనిధీ!
ఉ. సంకరదుర్గమై దురిత సంకులమైన జగంబుఁ జూచి స
ర్వం కషలీల నుత్తమ తురంగము నెక్కి కరాసి ఁబూని నీ
రాంక విలాస మొప్ప ఁ కలిగాకృతి సజ్జన కోటికిన్ నిరా
తంక మొనర్చి తీవె కద! దాశరథీ కరుణాపయోనిధీ!
దాశరథి శతకం
*
చ. దురమునఁ దాటకంచు నిమి ధూర్జటివిల్ దునుమాడ సీతనుం
బరిణయమంది తండ్రి పనుపన్ ఘన కానన భూమి కేగి, దు
స్తర పటు చండకాండకు లిశాహతి రాశణ కుంభకర్ణ భూ
ధరముల ఁ గూల్చి తీవె కద దాశరథీ కరుణాపయోనిధీ!
*
చ. సురలు నుతింపగాఁ ద్రిపురసుందరరులన్ వరియింప బుద్ధ రూ
పరయఁగఁ దాల్చితీవు, త్రిపురాసుర కోటిదహించునప్పుడా
హరునకుఁ దోడుగా వరశరాసన బాణముఖోగ్రసాధనో
త్కర మొనరించితీవె కద దాశరథీ కరుణాపయోనిధీ!
చ. అనుపమయాదవాన్వయ మధాబ్దిసుధానిధి కృష్ణమూర్తి నీ
కనుజుఁడుగా జనించి, కుంజనావళి నెల్ల నడించి, రోహిణీ
తనయుఁడంగ బాహఉ బల దర్పమునన్ బలరామ మూర్తివై
తనరివ వేల్పనీవె గద దాశరథీ కరుణాపయోనిధీ
చ ఇరువది యొక్కమారు ధరణీశుల నెల్ల వధించి తత్కళే
బరరుధిర ప్రవాహమున ఁ బైతృకతర్పణ మొప్పఁ జేసి , భూ
సురవర కోటికిన్ ముదము సొప్పడ భార్గవ రామ మూర్తివై
ధరణినొసంగితీవె కద దాశరథీ కరుణాపయోనిధీ!
చ. పదయుగళంబు భూగగన భాగములన్ వెసమాని విక్రమా
స్పదుఁడగు సబ్బలీంద్రు నొక పాదమునం దలక్రింద నొత్తి మే
లొదవ జగత్త్రయంబుఁ బురుహూతునకియ్య వటుండవైన చి
త్సదమల మూర్తి నీవె కదా! దాశరథీ కరుణాపయోనిధీ!