న్యూఢిల్లీ, మార్చి 22: వయోవృద్ధులు రైల్వే టికెట్లపై రాయితీలు పొందడానికి ఆధార్ నంబరు తప్పనిసరి కాదని రైల్వే శాఖ స్పష్టం చేసింది. రైల్వే మంత్రి సురేశ్ ప్రభు లోక్‌సభలో ఈ మేరకు వివరణ ఇచ్చారు. అయితే వృద్ధుల వివరాలతో కేంద్రం ఒక డేటాబేస్‌ను రూపొందిస్తోందని ఆయన చెప్పారు. వయో వృద్ధులు రైల్వే టికెట్లపై రాయితీ పొందడానికి ఆధార్ నంబరును తప్పనిసరి చేయాలని రైల్వే శాఖ నిర్ణయించిన విషయం తెలిసిందే.

విజయవాడ, మార్చి 22: రాష్ట్రంలో జరుగుతున్న రైతుల ఆత్మహత్యల వ్యవహారంపై బుధవారం శాసనసభ దద్దరిల్లింది. ఇన్‌పుట్ సబ్సిడీ బకాయిలతోపాటు రైతుల ఆత్మహత్యలపై కూడా వ్యవసాయ శాఖ మంత్రి ప్రత్తిపాటి పుల్లారావు సభలో తప్పుడు లెక్కలు చెబుతున్నారంటూ ప్రతిపక్ష నేత వైఎస్ జగన్మోహన్‌రెడ్డి నిప్పులు చెరిగారు. ఈ సందర్భంగా ఆయన అధికారిక గణాంకాలను సభ దృష్టికి తెచ్చారు.

న్యూఢిల్లీ, మార్చి 22: వ్యవసాయంపై పన్ను విధించేది లేదని, భవిష్యత్‌లోనూ అలాంటి ఆలోచనే లేదని కేంద్ర ఆర్థిక మంత్రి అరుణ్ జైట్లీ ప్రకటించారు. నగదు లావాదేవీల పరిమితిని రెండు లక్షలకు కుదించామని, ఆదాయం పన్ను రిటర్న్స్ దాఖలుకు ఆధార్ తప్పనిసరి చేశామన్నారు.

న్యూఢిల్లీ, మార్చి 22:జాతీయ ఆహార భద్రతా చట్టాన్ని చేపట్టి ఏళ్లు గడుస్తున్నా కరువు పీడిత రాష్ట్రాల్లో ఇంత వరకూ ఎందుకు అమలు చేయడం లేదంటూ ఆంధ్ర ప్రదేశ్, కర్నాటక, మహారాష్ట్ర, గుజరాత్ సహా తొమ్మిది రాష్ట్రాల ప్రధాన కార్యదర్శులకు సుప్రీం కోర్టు బుధవారం సమన్లు పంపింది.