తోట్లవల్లూరు, అక్టోబర్ 23: లంకల్లో వ్యవసాయ మోటార్లకు సక్రమంగా విద్యుత్ సరఫరా లేక పంటలు ఎండుతున్నాయని పలువురు రైతులు ఆదివారం సాయంత్రం వల్లూరుపాలెం విద్యుత్ సబ్‌స్టేషన్ ముందు ఆందోళనకు దిగారు. వల్లూరుపాలెం, తోడేళ్ళదిబ్బలంక రైతులు ఆందోళనలో పాల్గొన్నారు. విషయం తెలుసుకున్న మాజీ ఎంపిటిసి సభ్యుడు సిహెచ్ గవాస్కర్‌రాజు మద్దతు తెలిపారు.

అవనిగడ్డ, అక్టోబర్ 23: అనంతపురం జిల్లాలో రెయిన్‌గన్‌లతో వ్యవసాయం సస్యశ్యామలమైందని ప్రకటించిన ముఖ్యమంత్రి చంద్రబాబు నాయుడు అదే జిల్లాలో 63 కరవు మండలాలను ప్రకటించటం ఏమిటని వైఎస్‌ఆర్ కాంగ్రెస్ పార్టీ రాష్ట్ర రైతు విభాగం అధ్యక్షులు ఎంవిఎస్ నాగిరెడ్డి ప్రశ్నించారు. ఈ నిర్ణయంతో చంద్రబాబు పచ్చి అబద్ధాలకోరుగా తేలిందని విమర్శించారు. స్థానిక వైకాపా కార్యాలయంలో ఆదివారం ఆయన విలేఖర్లతో మాట్లాడారు.

మచిలీపట్నం (కోనేరుసెంటర్), అక్టోబర్ 23: పట్టణంలో భారీగా సిసిరోడ్ల నిర్మాణాలు చేపట్టామని, అన్ని ప్రాంతాలను అభివృద్ధి చేయాలనే ధ్యేయంగా పనిచేస్తున్నామని రాష్ట్ర బిసి సంక్షేమం చేనేత, ఎక్సైజ్ శాఖ మంత్రి కొల్లు రవీంద్ర అన్నారు. ఆదివారం స్థానిక జైహింద్ హైస్కూల్ ఎదుట రూ.13.20 లక్షలతో నిర్మించే సిసిరోడ్ల పనులను మంత్రి రవీంద్ర ఎంపి కొనకళ్ళ నారాయణరావుతో కలిసి ప్రారంభించారు.

గుడివాడ, అక్టోబర్ 23: బ్రాహ్మణ కార్పొరేషన్ ద్వారా పేద బ్రాహ్మణ విద్యార్థుల విదేశీ విద్యకు రూ.10లక్షల రుణం అందిస్తున్నట్టు రాష్ట్రీయ బ్రాహ్మణ సంఘటన రాష్ట్ర ఆర్గనైజింగ్ కార్యదర్శి ఈమని సూర్యనారాయణ చెప్పారు. ఆదివారం స్థానిక ఉపద్రష్ట వెంకటశాస్ర్తీ బ్రాహ్మణ సత్రంలో ఆయన విలేఖర్ల సమావేశంలో మాట్లాడారు. వ్యాపారుల కోసం చాణక్య, గరుడ పథకాలు అమల్లో ఉన్నాయన్నారు.