హైదరాబాద్: ఆదాయానికి మించి ఆస్తులు కలిగివున్నాయన్న ఆరోణలతో హైదరాబాద్‌లోని జీఎస్టీ సీనియర్ అధికారి బొల్లినేని శ్రీనివాస్ గాంధీ ఇళ్లపై మంగళవారం సీబీఐ అధికారులు దాడులు నిర్వహించారు. ఏకకాలంలో విజయవాడ, హైదరాబాద్ కార్యాలయాలు, నివాసంలో విస్తృతంగా సోదాలు నిర్వహించారు. పెద్ద మొత్తంలో నగదును స్వాధీనం చేసుకున్నారు. గాంధీపై ఆదాయానికి మించిన ఆస్తుల కలిగి ఉన్నట్టు కేసు నమోదు చేశారు.

భద్రాచలం టౌన్: చత్తీస్‌గఢ్ రాష్ట్రంలోని సుక్మా జిల్లా డబ్బాకొంట దండకారణ్యంలో మంగళవారం జరిగిన ఎన్‌కౌంటర్‌లో మావోయిస్టు మహిళా కమాండర్ కురాం భీమే హతమైంది. ఈమెపై రూ. 8లక్షల రివార్డు ఉంది. ఎన్‌కౌంటర్ ప్రదేశంలో పోలీసు బలగాలకు ఇన్సాస్ రైఫిల్ కూడా లభ్యమైంది. డబ్బాకొంట ప్రాంతంలో మావోయిస్టులు ఉన్నారనే సమాచారంతో బలగాలను అక్కడికి పంపామని సుక్మా ఎస్పీ శలభ్ సింహా తెలిపారు.

హైదరాబాద్, జూలై 9: రెండు రాష్ట్రాల్లో సంచలనం సృష్టించిన పారిశ్రామికవేత్త తేలప్రోలు రాంప్రసాద్ హత్య కేసులో పోలీసులు పురోగతి సాధించారు. విజయవాడకు చెందిన కోగంటి సత్యం అనే వ్యాపారవేత్త ప్రమేయంతోనే రాంప్రసాద్ హత్య జరిగిందని టాస్క్ఫోర్స్ పోలీసులు వెల్లడించారు. దీని వెనక మొత్తం ఎనిమిది మంది హస్తం ఉందని మంగళవారం ఇక్కడ తెలిపారు.

న్యూఢిల్లీ, జూలై 9: వంశధార ట్రిబ్యునల్ విచారణ ఆగస్టు 27కు వాయిదా పడింది. గతంలో వంశధార ట్రిబ్యునల్ ఇచ్చిన తీర్పులో స్పష్టత కోరుతూ ఒడిశా దాఖలు చేసిన అప్లికేషనను మంగళవారం జస్టిస్ ముకుందం శర్మ నేతృత్వంలోని ట్రిబ్యునల్ విచారణ చేపట్టింది. ఒడిశా తరపు న్యాయవాది జయంత్ భూషణ్, కత్‌పాలియా, రాధేశ్యాజేనాలు వాదనలు వినిపించారు. అలాగే ఏపీ తరపున ఈనియర్ న్యాయవాది వైద్యనాథన్ వాదనలు వినిపించారు.