ఖమ్మం, జూలై 6: చత్తీస్‌గఢ్‌లో శనివారం ఉదయం భద్రతా బలగాలు, మావోయిస్టులకు మధ్య జరిగిన ఎదురుకాల్పుల్లో నలుగురు మావోలు మృతి చెందారు. మృతుల్లో ముగ్గురు మహిళలున్నారు. ధంతరి జిల్లాలోని అటవీ ప్రాంతంలో యాంటీ నక్సల్స్ ఆపరేషన్‌లో భాగంగా స్పెషల్ టాస్క్ఫోర్స్ (ఎస్టీఎఫ్), బోర్డర్ సెక్యూరిటీ ఫోర్స్ (బీఎస్‌ఎఫ్) బలగాలు రెండ్రోజులుగా మావోల కోసం గాలిస్తున్నాయి.

నిజామాబాద్: విద్యా బుద్ధులు నేర్చుకునేందుకు బడికి వెళ్లిన ముగ్గురు చిన్నారుల నిండు ప్రాణాలను మొరం గుంత బలిగొంది. మొరంమట్టి కోసం 20 అడుగుల వరకు లోతుగా తవ్విన గుంతలో జారిపడిన విద్యార్థులు జల సమాధి అయ్యారు. ఈ సంఘటనను తీవ్రంగా పరిగణిస్తూ స్థానికులు ఆందోళనకు దిగారు. ఈ విషాదకర ఘటన నిజామాబాద్ నగర శివారులోని నాగారం ప్రాంతంలో శనివారం వెలుగులోకి వచ్చింది.

న్యూఢిల్లీ, జూలై 6: కేంద్ర మాజీ మంత్రి, ప్రముఖ పాత్రికేయుడు ఎంజే అక్బర్ దాఖలు చేసిన పరువునష్టం కేసులో విచారణ ముగిసింది. జర్నలిస్టు ప్రియారమణి తనను అక్బర్ లైంగికంగా వేధించారంటూ ‘మీటూ’ వేదిగా తీవ్రమైన ఆరోపణలు చేసి సంచలనం సృష్టించారు. ఆమె ఆరోపణకు తనకు పరువునష్టం కలిగించాయని ఎంజే అక్బర్ ఢిల్లీ కోర్టులో పిటిషన్ దాఖలు చేశారు. ఈ కేసులో అక్బర్ నుంచి శనివారం వాంగ్మూలం తీసుకున్నారు.

వరంగల్, జూలై 5: వరంగల్ నగరంలో సంచలనం రేకిత్తించిన తొమ్మిది నెలల చిన్నారి అత్యాచారం, హత్య కేసు వేగవంతం అయ్యింది. అందుకు సంబంధించిన దర్యాప్తు పూర్తికావచ్చిందని వరంగల్ పోలీస్ కమిషనర్ రవీందర్ తెలిపారు.