హైదరాబాద్, జూలై 3: జెడ్డా నుంచి హైదరాబాద్‌కు విమానం ద్వారా అక్రమ మార్గంలో బంగారాన్ని తరలించే ప్రయత్నలో14 మందిని పోలీసులు అరెస్టు చేశారు. అరెస్టయిన వ్యక్తుల నుంచి 6.5 కేజీల బంగారాన్ని పోలీసులు స్వాధీనం చేసుకున్నారు. పట్టుబడిన బంగారం విలువ దాదాపు రూ. 2. 20 కోట్లు ఉంటుందని పోలీసులు తెలిపారు.

తిరుపతి, జూలై 3: తిరుమలలో అత్యంత ప్రముఖులు బసచేసే పద్మావతి అతిథిభవనాల సముదాయంలోని మణిమంజరి అతిథిభవనంలో మంగళవారం రాత్రి దొంగలు పడ్డారు. 10తులాల బరువు కలిగిన వజ్రాలు పొదిగిన ఆభరణాలు, రెండులక్షల నగదు, ఒక సెల్‌ఫోన్‌ను చోరీ చేసుకెళ్లారు. బాధితులు మంత్రి మేకపాటి గౌతంరెడ్డి బంధువులు అని తెలిసింది.

ముంబయి, జూలై 3: ‘మైనే ప్యార్ కియా’ హీరోయిన్ భాగ్యశ్రీ భర్త హిమాలయా దశానీని పోలీసులు అరెస్టు చేశారు. హిమాలయా దశానీ నటుడు, నిర్మాతగా వ్యవహరిస్తున్నారు. ముంబయిలోని సబర్బన్ జోగేశ్వరి ప్రాంతంలో గ్యాంబ్లింగ్ రాకెట్‌లో పాత్ర ఉన్నట్టు ఆరోపణలు రావడంతో అతనిని మంగళవారంనాడు స్వగృహంలో పోలీసులు అరెస్టు చేసినట్టు అంబోలీ పోలీస్ స్టేషన్ అధికారి ఒకరు తెలిపారు.

మేడ్చల్, జూలై 3: వివాహిత అదృశ్యమైన సంఘటన మేడ్చల్ ఠాణా పరిధిలో చోటు చేసుకుంది. పోలీసులు తెలిపిన వివరాల ప్రకారం పట్టణంలోని చంద్రానగర్ కాలనీకి చెందిన జీ.మహేశ్, నందిని(18) గత మే నెల 15వ తేదీన వివాహం చేసుకున్నారు. అనంతరం జూన్ 26వ తేదీన నందిని కర్ణాటక రాష్ట్రం బీదర్ ప్రాంతంలోని తన అమ్మమ్మ వాళ్లింటికి వెళ్లింది. తిరిగి ఈ నెల 1వ తేదీన మేడ్చల్‌కు చేరుకుంది.