శ్రీనివాసులు, శిల్ప, మేఘన ముఖ్యపాత్రల్లో శ్రీ వెంకటసాయి ఫిలిమ్స్ పతాకంపై ఎస్.శ్రీనివాసులు స్వీయ దర్శకత్వంలో రూపొందించిన చిత్రం ‘యువతేజం’. ఈ చిత్ర ట్రైలర్ ఆవిష్కరణ కార్యక్రమం శనివారం హైదరాబాద్‌లో జరిగింది. అనంతరం దర్శకుడు, హీరో శ్రీనివాసులు మాట్లాడుతూ ప్రస్తుతం గాంధీతత్వాన్ని, దేశభక్తిని మరిచిపోతున్నామని, అదే అంశంతో అందరికీ నచ్చేలా తెరకెక్కించిన సినిమా ఇదన్నారు.

ఆదిత్యా క్రియేషన్స్ పతాకంపై సోనాలి, ఆదిత్యా జంటగా కోట మునీష్ దర్శకత్వంలో లక్ష్మీ శ్రీవాస్తవ రూపొందిస్తున్న చిత్రం ‘ప్రేమికులపై పీహెచ్‌డీ. పోస్ట్ ప్రొడక్షన్ కార్యక్రమాలు పూర్తిచేసుకున్న ఈ చిత్రం విడుదలకు సిద్ధమైంది. ఈ సందర్భంగా నిర్మాత లక్ష్మీ శ్రీవాస్తవ మాట్లాడుతూ, ప్రేమకథా చిత్రంగా రూపొందుతున్న ఈ సినిమాలో అన్నివర్గాల ప్రేక్షకులకు నచ్చే అంశాలు ఉన్నాయని తెలిపారు.

ఈ సంక్రాంతికి ‘ఎక్స్‌ప్రెస్ రాజా’ సినిమాతో మంచి విజయాన్ని అందుకున్న యువ నటుడు శర్వానంద్ తన తదుపరి చిత్రానికి సన్నాహాలు మొదలుపెట్టాడు. రన్‌రాజా రన్, మళ్లీ మళ్లీ ఇది రాని రోజు, ఎక్స్‌ప్రెస్ రాజా వంటి వరుస విజయాలతో దూసుకుపోతున్న ఈ యువ నటుడు విభిన్నమైన కథా చిత్రాన్ని ఎంచుకుంటూ ముందుకు సాగుతున్నాడు. తాజాగా మరో యంగ్ డైరెక్టర్‌కు ఓకె చెప్పాడట.

బాలీవుడ్‌లో సంచలన విజయం సాధించిన ‘క్వీన్’ చిత్రం త్వరలో దక్షిణాది భాషల్లో రీమేక్ కానుంది. ఈ సినిమా హక్కులను ప్రముఖ దర్శక నిర్మాత త్యాగరాజన్ సొంతం చేసుకున్నట్టు తెలిసింది. ఇప్పటికే ఈ సినిమా పూర్తికావాలి. కానీ సరైన నటీనటులు దొరకకపోవడంతో ఇంకా పట్టాలెక్కలేదు. ప్రస్తుతం ఈ చిత్రాన్ని తెరకెక్కించేందుకు సీనియర్ నటి, దర్శకురాలు రేవతి సన్నాహాలు చేస్తోంది.