S ,7 à 8 RSCA (si SASPAS) et 6 cialis pharmacie cialis rapports de stage.
ప్రస్తుతం త్రివిక్రమ్ దర్శకత్వంలో నటిస్తున్న పవన్‌కళ్యాణ్ 25వ చిత్రం షూటింగ్ ఇటీవలే విదేశాల్లో ఓ పాట చిత్రీకరణ జరుపుకుంది. జల్సా, అత్తారింటికి దారేది సినిమాల తరువాత వీరిద్దరి కాంబినేషన్‌లో వస్తున్న ఈ సినిమాపై ఇప్పటికే భారీ అంచనాలు నెలకొన్నాయి. వచ్చే ఎన్నికల్లో పూర్తిస్థాయి రాజకీయాల్లోకి వచ్చేందుకు ప్రయత్నాలు చేస్తున్న పవన్, వీలైనన్ని ఎక్కువ సినిమాలు చేయడానికి ప్లాన్ చేశాడు.
రజనీకాంత్ స్టయిల్ అంటే ఇష్టపడనివారు లేరు. నాకూ ఇష్టమే. అలాగని ఆ స్టయిల్‌ని అనుకరించే విధానం మాత్రం నావద్ద లేదు. అలాగే హీరో అజిత్ అంటే చాలా అభిమానం అని ఎన్‌టిఆర్ అన్నారు. ఆయన నటించిన ‘జై లవకుశ’ నేడు విడుదలవుతోంది. ఈ సందర్భంగా ఆయన ఇచ్చిన ఒక ఇంటర్వ్యూలో ఈ మాటలు చెప్పారు. రజనీకాంత్ శైలి ఇష్టమైనా ఆయన తెరపై కనిపించినపుడు చేసే నటన ఆయన నిలబడిన విధానం ఎప్పటికీ మరువలేను. ఆయన్ను ఒక స్టార్‌గా భావిస్తా.
గురు తరువాత వెంకటేష్ నటించే సినిమా ఇంతవరకూ ఏదీ కన్‌ఫర్మ్ కాలేదు. ఆ సినిమా వచ్చి ఏడాది గడుస్తున్నా కూడా తదుపరి చిత్రం గురించి ప్రకటన రాకపోవడం విశేషం. ఇప్పటకే పలువురు దర్శకులతో కథా చర్చలు జరిపిన వెంకటేష్, ఆమధ్య పూరి జగన్నాధ్ చెప్పిన కథ కూడా విన్నాడు. కానీ ఆ సినిమా చేయడానికి ఆసక్తిగా లేడని తెలిసింది. తాజాగా, వెంకటేష్ తదుపరి చిత్రానికి ఓకె చెప్పినట్టు వార్తలొస్తున్నాయి.
రజత్, నేహా జంటగా ప్రముఖ రచయిత విజయేంద్రప్రసాద్ దర్శకత్వంలో రేష్మాస్ ఆర్ట్స్ పతాకంపై రాజ్‌కుమార్, సునీత నిర్మించిన ‘శ్రీవల్లీ’ చిత్రం ఇటీవలే విడుదలై మంచి టాక్‌తో రన్ అవుతున్న సందర్భంగా బుధవారం హైదరాబాద్‌లో సక్సెస్ మీట్‌ను ఏర్పాటుచేశారు. ఈ కార్యక్రమంలో దర్శకుడు విజయేంద్రప్రసాద్ మాట్లాడుతూ- ఈ సినిమాను ప్రేక్షకులు ఆదరిస్తున్నందుకు ఆనందంగా వుంది.
మిస్కిన్ దర్శకత్వంలో విశాల్ ఫిలిం ఫ్యాక్టరీ సమర్పణలో విశాల్ కథానాయకుడిగా జి.హరి రూపొందించిన చిత్రం ‘డిటెక్టివ్’. తుప్పరివాలన్‌గా తమిళంలో విజయవంతమైన ఈ చిత్రాన్ని అక్టోబర్‌లో విడుదల చేయడానికి సన్నాహాలు చేస్తున్నారు. ఈ సందర్భంగా నిర్మాత జి.హరి మాట్లాడుతూ- మొదటివారం 30 కోట్ల రూపాయలు వసూలు చేసి ఘనవిజయం సాధించిందని, తెలుగులో కూడా అంతే విజయవంతం అవుతుందన్న నమ్మకం ఉందని తెలిపారు.
అక్కినేని నాగార్జున, సమంత, సీరత్‌కపూర్ ప్రధాన పాత్రల్లో ఓంకార్ దర్శకత్వంలో పి.వి.పి సినిమా, మ్యాట్నీ ఎంటర్‌టైన్‌మెంట్స్ బ్యానర్లపై తెరకెక్కిన రాజుగారి గది-2 చిత్రంలోని ట్రైలర్‌ను బుధవారం హైదరాబాద్‌లో విడుదల చేశారు. ఈ కార్యక్రమంలో నాగార్జున మాట్లాడుతూ- నాన్నగారు మా మధ్య లేరు అనడం తప్పు. తెలుగు ప్రేక్షకుల గుండెల్లో ఎప్పుడూ ఉంటారు. నా కెరీర్‌లో మొదటిసారి ఈ జోనర్‌లో సినిమా చేశాను.
ఎల్.వి.క్రియేటివ్ ఎంటర్‌టన్‌మెంట్ పతాకంపై అల్లు వంశీ, అక్షర జంటగా బోండా వెంకటస్వామి నాయుడు దర్శకత్వంలో లెంకల అశోక్‌రెడ్డి రూపొందించిన చిత్రం ‘గులాబీ మేడ’. ఈ చిత్రానికి సంబంధించిన షూటింగ్ పూర్తిచేసి పోస్ట్ ప్రొడక్షన్ కార్యక్రమాలు జరుపుతున్నారు. చిత్రానికి సంబంధించిన ఆడియో విడుదల కార్యక్రమంలో బిగ్ సీడీని ప్రతాని రామకృష్ణగౌడ్, ఆడియో సీడీని నటి కవిత విడుదల చేశారు.
గ్లామర్ హీరోయిన్‌గా మంచి గుర్తింపు తెచ్చుకున్న రెజీనాకు ఈమధ్య కెరీర్ సాఫీగా సాగడంలేదు. ఎన్నో ఆశలు పెట్టుకున్న ‘నక్షత్రం’ అట్టర్‌ఫ్లాఫ్ అవ్వడంతో ఆమె ఆశలు నీరుగారిపోయాయి. ఈ సినిమాలో రెచ్చిపోయి మరీ అందాలు ఆరబోసినా కూడా లాభం లేకపోయింది. ప్రస్తుతం తెలుగులో ఓ చిత్రంలో నటిస్తున్న రెజీనా రియల్ లైఫ్‌లో ప్రేమలో విఫలమైందని కోలీవుడ్‌లో వార్తలొస్తున్నాయి.
ప్రముఖ నటుడు అక్కినేని నాగార్జున ముఖ్యపాత్రలో సమంత, సీరత్‌కపూర్‌లు నటిస్తున్న చిత్రం ‘రాజుగారి గది-2’. ఓంకార్ దర్శకత్వంలో పి.వి.పి సినిమా, మ్యాట్నీ ఎంటర్‌టైన్‌మెంట్స్ నిర్మిస్తున్న ఈ సినిమాకు సంబంధించిన టీజర్‌ను నేడు విడుదల చేయనున్నారు. నాగార్జున కెరీర్‌లో మొదటిసారి హర్రర్, థ్రిల్లర్ చిత్రంలో నటిస్తున్నాడు. ఇంతకుముందు వచ్చిన ‘రాజుగారి గది’ చిత్రానికి ఇది సీక్వెల్.
ప్రముఖ నటుడు మోహన్‌బాబు ముఖ్యపాత్రలో మదన్ దర్శకత్వంలో శ్రీ లక్ష్మీ ప్రస న్నా పిక్చర్స్ పతాకంపై మోహన్‌బాబు నిర్మిస్తున్న గాయత్రి చిత్రంలోని పాటను తిరుపతిలో చిత్రీకరిస్తున్నారు. వెయ్యిమంది జూనియర్ ఆర్టిస్టులు, 400మంది డాన్సర్లతో భారీ సెట్‌లో తెరకెక్కిస్తున్న ఈ పాట ను సుద్దాల అశోక్ తేజ రచించగా, బాలీవుడ్ కొరియోగ్రాఫర్ గణేష్ ఆచార్య నేతృత్వంలో తెరకెక్కిస్తున్నారు.