S ,7 à 8 RSCA (si SASPAS) et 6 cialis pharmacie cialis rapports de stage.
నూతన నటీనటులతో ప్రముఖ రచయిత విజయేంద్రప్రసాద్ దర్శకత్వంలో రేష్మాస్ ఆర్ట్స్ బ్యానర్‌పై ‘శ్రీవల్లీ’ చిత్రాన్ని నిర్మించారు రాజ్‌కుమార్, సునీత. సైంటిఫిక్ థ్రిల్లర్‌గా తెరకెక్కిన ఈ చిత్రం ఈరోజు విడుదలవుతున్న సందర్భంగా నిర్మాతలు చెప్పిన విశేషాలు..
సైన్స్ ఫిక్షన్
నటసింహం నందమూరి బాలకృష్ణ నటిస్తున్న 102వ చిత్రాన్ని ప్రముఖ నిర్మాత సి.కల్యాణ్ సి.కె. ఎంటర్‌టైన్‌మెంట్స్ పతాకంపై కె.ఎస్.రవికుమార్ దర్శకత్వంలో నిర్మిస్తున్న విషయం తెలిసిందే. ప్రస్తుతం కుంభకోణంలో షూటింగ్ జరుపుకుంటోంది. అక్కడ జరుగుతున్న భారీ షెడ్యూల్‌లో కీలక సన్నివేశాలతోపాటు పోరాట ఘట్టాల్ని తెరకెక్కిస్తున్నారు. ఈ షెడ్యూల్‌లో ప్రధాన తారాగణం అంతా పాలుపంచుకుంటోంది.
శ్రీమురళి, రచితారామ్ జంటగా ధర్మశ్రీ ఎంటర్‌ప్రైజెస్ పతాకంపై ధర్మశ్రీ మంజునాథ్ నిర్మించిన ‘రథావరం’ చిత్రం త్వరలో ప్రేక్షకుల ముందుకు రానుంది. నిజానికి ఈ చిత్రం సెప్టెంబర్ 1న విడుదల కావాల్సి ఉంది. కానీ పెద్ద సినిమాలు విడుదలవుతుండడంతో ఈ చిత్రాన్ని వాయిదా వేశారు.
‘ఆచారి అమెరికా యాత్ర’ షూటింగ్‌లో భాగంగా చిత్రీకరిస్తున్న ఓ యాక్షన్ సీక్వెన్స్‌ను తెరకెక్కిస్తుండగా బైక్ స్కిడ్ అవడంతో జరిగిన యాక్సిడెంట్‌లో చిత్ర కథానాయకుడు మంచు విష్ణు, కథానాయిక ప్రగ్యా జైస్వాల్ గాయాలపాలైన విషయం తెలిసిందే. ప్రగ్యా చిన్న చిన్న దెబ్బలతో తప్పించుకోగా, మంచు విష్ణుకు మాత్రం తీవ్రమైన గాయాలయ్యాయి. ఆ కారణంగా మలేసియాలో మొదలైన సెకెండ్ షెడ్యూల్ అర్థాంతరంగా ఆగిపోయింది.
అభిషేక్ మధుశ్రీ, డేవిడ్‌రాజ్, మోనా, స్మైలీ ప్రధాన పాత్రల్లో గతంలో ‘అలివేలు’, ‘నైస్‌గయ్’, ‘ఎవరినైనా.. ఎదిరిస్తా’ వంటి చిత్రాలకు దర్శకత్వం వహించిన పరకోటి బాలాజీ స్వీయ దర్శకత్వంలో రూపొందిస్తున్న చిత్రం ‘మహర్జాతకులు’. ధృవ ఆర్ట్స్ పతాకంపై తెరకెక్కిన ఈ చిత్రంలోని పాటలు హైదరాబాద్‌లో విడుదలయ్యాయి. తెలంగాణ ఫిలిం చాంబర్ అధ్యక్షుడు ప్రతాని రామకృష్ణగౌడ్ సీడీని ఆవిష్కరించారు.
తమిళ స్టార్ సూర్య ప్రస్తుతం నటిస్తున్న ‘తానా సెరెందకూటమ్’ సినిమా షూటింగ్ అనుకోకుండా ఆగిపోయింది. విఘ్నేష్ శివన్ దర్శకత్వంలో తెరకెక్కిన ఈ చిత్రం రెగ్యులర్ షూటింగ్ జరుగుతుండగా ఈమధ్యే ఫిలిం ఎంప్లాయిస్ ఫెడరేషన్ ఆఫ్ సౌత్ ఇండియా, నిర్మాతల మండలి మధ్య తలెత్తిన వివాదం కారణంగా షూటింగ్ ఆగిపోయింది. ప్రస్తుతం ఆ వివాదం సద్దుమణగడంతో ఫిలిం ఎంప్లాయిస్ నిరసన విరమించారు.
తెలుగులో పలు చిత్రాలు నిర్మించిన నిర్మాత తుమ్మలపల్లి రామ సత్యనారాయణకు తెలుగు సినిమా వరల్డ్ రికార్డ్స్‌లో స్థానం దక్కింది. ఈ సందర్భంగా తమిళనాడు గవర్నర్ రోశయ్య ఆయనను సన్మానించి ధృవీకరణ పత్రాన్ని అందజేశారు. 2004లో సుమన్, రవళి జంటగా ఎస్.పి.సింహ సినిమాతో నిర్మాతగా మారిన రామసత్యనారాయణ, తాజాగా విడుదలైన పూర్ణ ‘అవంతిక’ సినిమాతో 12 ఏళ్ళలో 92 చిత్రాలను నిర్మించి సంచలనం సృష్టించాడు.
ఇటీవలే ‘యుద్ధం శరణం’ సినిమాతో ప్రేక్షకుల ముందుకు వచ్చిన అక్కినేని నాగచైతన్య తన తదుపరి చిత్రం కోసం సిద్ధమవుతున్నాడు. ఇప్పటికే చందూ మొండేటి దర్శకత్వంలో ‘సవ్యసాచి’ చిత్రంలో నటిస్తున్నాడు. ఈ చిత్రం రెగ్యులర్ షూటింగ్ త్వరలో ప్రారంభం కానుంది. దాంతోపాటు మారుతి దర్శకత్వంలో మరో చిత్రానికి గ్రీన్ సిగ్నల్ ఇచ్చినట్లు తెలుస్తోంది. ఈ చిత్రానికి ‘మంచోడు’ అనే టైటిల్‌ను నిర్ణయిస్తారట.
ఒకవైపు ఎన్టీఆర్ సరసన ‘జై లవకుశ’ వంటి పెద్ద సినిమాలో నటించి మరోవైపు మాస్ మహారాజ రవితేజతో ‘టచ్ చేసి చూడు’, మెగా హీరో వరుణ్‌తేజ్‌తో మరో రొమాంటిక్ ఎంటర్‌టైనర్‌లోను, తమిళం, మలయాళంలో ఒక్కో ప్రాజెక్టు చేస్తూ బిజీగా ఉన్న హీరోయిన్ రాశీఖన్నా అతిథి పాత్రలో నటించడానికి కూడా సిద్ధమయింది.
సహజంగా తెలుగు పరిశ్రమలో హీరోలు ప్రతిభ వున్న వారైతే దాదాపు అరవై డెబ్భై సంవత్సరాల వయసు వచ్చే వరకు హీరోలుగానే నటించడం దృష్టాంతాలు మనకు తెలుసు. మార్కెట్ విలువను బట్టి హీరోలకు వద్దన్నాగానీ అవకాశాలు వస్తునే వుంటాయి. అలా గత తరంలో ఎన్టీఆర్, ఎఎన్‌ఆర్, నటశేఖర కృష్ణ నటించారు. ఇప్పుడు వస్తున్న తరంలో ఎందరు ఆ స్థాయికి చేరుకుంటారో కాలం చెబుతుంది.