అల్లరి నరేష్, నిఖిలా విమల్ జంటగా ప్రజిత్ దర్శకత్వంలో జాహ్నవి ఫిలింస్ పతాకంపై బొప్పన చంద్రశేఖర్ నిర్మించిన మేడమీది అబ్బాయి చిత్రం ఇటీవలే విడుదలై మంచి టాక్‌తో రన్ అవుతున్న సందర్భంగా బుధవారం హైదరాబాద్‌లో సక్సెస్‌మీట్‌ను ఏర్పాటుచేశారు. ఈ కార్యక్రమంలో నిర్మాత చంద్రశేఖర్ మాట్లాడుతూ- ప్రేక్షకులు సినిమాను చక్కగా ఆదరిస్తున్నారు. విడుదలైన అన్ని చోట్లా పాజిటివ్ టాక్‌తో రన్ అవుతోంది అన్నారు.

సొట్టబుగ్గల తాప్సీకి సౌత్‌లో ఎన్ని అవకాశాలు వచ్చినా కూడా కెరీర్ పరంగా సరైన విజయం మాత్రం దక్కలేదు. ఈమె అందాల ప్రదర్శనకు అవకాశాలైతే క్యూ కట్టాయి కానీ విజయం మాత్రం అందనంత దూరంలో ఆగిపోయింది. దాంతో ఇక్కడ లాభం లేదనుకుని బాలీవుడ్‌లో అడుగుపెట్టింది. అక్కడ పింక్, నామ్ షబానా, బేబి లాంటి సినిమాలతో నటిగా మంచి ఇమేజ్ తెచ్చుకుంది. కానీ ఆమె అనుకున్నట్టు హీరోయిన్‌గా మాత్రం క్రేజ్ తెచ్చుకోలేకపోయింది.

రాహుల్ రవీంద్రన్, చాందినీ చౌదరి, మనాలి రాథోడ్ ప్రధాన తారాగణంగా రేవన్ యాదూ దర్శకత్వంలో రూపొందించిన చిత్రం ‘హౌరా బ్రిడ్జ్’. ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయి. షూటింగ్ పూర్తిచేశారు. త్వరలో ఆడియో విడుదల చేయనున్నారు. ఈ సందర్భంగా హీరో రాహుల్ రవీంద్రన్ మాట్లాడుతూ- హౌరా బ్రిడ్జ్ అనే పేరు పెట్టడం వెనుక పెద్ద కారణం వున్నదని, అది ఇప్పుడు చెప్పలేమని తెలిపారు.

సూపర్‌స్టార్ మహేష్‌బాబు నటించిన 3స్పైడర్2విడుదలకు దగ్గర పడుతున్నకొద్దీ సినీ వర్గాల్లో సంచలనం సృష్టిస్తోంది. ఇప్పటికే ఈ సినిమాకు సంబంధించిన బిజినెస్ భారీ స్థాయిలో జరిగింది. మురుగదాస్ దర్శకత్వంలో తెరకెక్కిన ఈ చిత్రాన్ని దసరా కానుకగా ఈనెల 27న విడుదల చేస్తున్నారు. ఈ నేపథ్యంలో సినిమా ట్రేడ్ వర్గాల్లో సంచలనం రేపుతోంది. ముఖ్యంగా 3బాహుబలి2 తరువాత ఆ రేంజ్‌లో బిజినెస్ జరుగుతుండడం విశేషం.