తెలుగు సినిమా ఖ్యాతిని అంతర్జాతీయంగా చాటిన ‘బాహుబలి’ చిత్రానికి ఇప్పుడు సీక్వెల్ రూపొందుతున్న విషయం తెలిసిందే. రాజవౌళి దర్శకత్వంలో ‘ది కంక్లూజన్’ పేరుతో తెరకెక్కుతున్న ఈ సినిమాకు సంబంధించిన యుద్ధ సన్నివేశాల్ని హైదరాబాద్‌లో చిత్రీకరిస్తున్నారు. రెండవ భాగంపై భారీ అంచనాలు నెలకొన్న నేపథ్యంలో ఈ సినిమాను అంతే భారీగా రూపొందిస్తున్నారు.

శేఖర్, యాచమిని, చందు ప్రధాన పాత్రల్లో తారకరత్న కీలక పాత్రలో నటిస్తున్న చిత్రం ‘ఎవరు’. రమణ సెల్వ దర్శకత్వంలో క్రాంతి చిత్ర పతాకంపై ముప్పా అంకమ్మ చౌదరి నిర్మిస్తున్న ఈ చిత్రం ఈనెల 26న విడుదలవుతున్న సందర్భంగా హైదరాబాద్‌లో ఏర్పాటుచేసిన పాత్రికేయుల సమావేశంలో ముఖ్య అతిథిగా పాల్గొన్న నారా రోహిత్ మాట్లాడుతూ, ట్రైలర్ బాగుందని, తారకరత్నకు ఈ సినిమాతో మంచి విజయం దక్కుతుందని ఆశిస్తున్నానన్నారు.

యాదాద్రి ఎంటర్‌టైన్‌మెంట్స్ పతాకంపై చందన్, ఆనంది, ప్రభు ప్రధాన పాత్రల్లో తమిళంలో ఘనవిజయం సాధించిన ‘కయల్’ చిత్రాన్ని ‘తొలిప్రేమలో’ పేరుతో తెలుగులో విడుదల చేస్తున్నారు నిర్మాతలు తమటం శ్రీనివాస్, జయారపు రామకృష్ణ. ప్రభు సాల్మన్ దర్శకత్వంలో తెరకెక్కిన ఈ చిత్రంలోని పాటలు ఇటీవలనే విడుదలై మంచి టాక్ తెచ్చుకున్న సందర్భంగా హైదరాబాద్‌లో ప్లాటినమ్ డిస్క్ వేడుకను ఏర్పాటుచేశారు.

ప్రముఖ నటుడు పవన్‌కళ్యాణ్ హీరోగా నటిస్తున్న తాజా చిత్రం రెగ్యులర్ షూటింగ్ మొదలైంది. డాలీ దర్శకత్వంలో తెరకెక్కుతున్న ఈ చిత్రం హైదరాబాద్ పరిసరాల్లో షూటింగ్ జరుగుతుండగా బుధవారం నుంచి పవన్ పాల్గొంటున్నాడు. పవన్ సరసన శృతిహాసన్ హీరోయిన్‌గా నటిస్తున్న ఈ సినిమాను శరత్ మరార్ నిర్మిస్తున్నారు. సర్దార్ గబ్బర్‌సింగ్ పరాజయం తర్వాత పవన్ వెంటనే ఈ చిత్రాన్ని మొదలుపెట్టాడు.