తమిళంలో ‘పిచ్చాయైకారన్’ పేరుతో రూపొందిన సినిమా తెలుగులో ‘బిచ్చగాడు’గా విడుదలై భారీ వసూళ్లు దక్కించుకుని సంచలనం క్రియేట్ చేసింది. కేవలం యాభై లక్షలు పెట్టి తెలుగు హక్కులు తీసుకున్న ఈ సినిమా ఏకంగా 21 కోట్ల రూపాయలు వసూలు చేసి దుమ్ము రేపింది. ఇప్పటికీ ఇంకా ఆడుతున్న ఈ సినిమాను బాలీవుడ్‌లో రీమేక్ చేసేందుకు ప్లాన్ చేస్తున్నారు.

అన్నాచెల్లెళ్ల అనుబంధానికి అద్దంపట్టే రాఖీ పండుగ వేడుకలను దేశమంతా ఆనందంగా జరుపుకున్నారు. సామాన్య ప్రజలతోపాటు సినిమా తారలు కూడా తమ సోదరులకు రాఖీలు కట్టి తమ ఆప్యాయతను పంచుకున్నారు. తాజాగా హీరో వరుణ్ తేజ్ రాఖీకట్టింది నిహారిక. అలాగే హీరోయిన్ రకుల్‌ప్రీత్‌సింగ్, లావణ్య త్రిపాఠి, పరిణితి చోప్రా, ఏక్తాకపూర్‌లు తమ సోదరులకు రాఖీలు కట్టి తమ అనుబంధాన్ని పంచుకున్నారు.

‘బాబు బంగారం’ సినిమాకు మంచి విజయాన్ని అందించిన ప్రేక్షకులే బంగారం లాంటివారని హీరో వెంకటేష్ అన్నారు. వెంకటేష్, నయనతార జంటగా మారుతి దర్శకత్వంలో సితార ఎంటర్‌టైన్‌మెంట్స్ పతాకంపై ఎస్.నాగవంశి, పి.డి.వి ప్రసాద్ నిర్మించిన ‘బాబు బంగారం’ చిత్రం ఇటీవలే విడుదలై మంచి టాక్‌తో రన్ అవుతోన్న సందర్భంగా హైదరాబాద్‌లో ఏర్పాటు చేసిన సక్సెస్ మీట్‌లో ఆయన మాట్లాడారు.

ప్రముఖ తమిళ నటుడు కార్తి తమిళంతోపాటు తెలుగు ప్రేక్షకుల్లో కూడా మంచి గుర్తింపు తెచ్చుకున్న విషయం తెలిసిందే. తాజాగా తెలుగులో ‘ఊపిరి’ చిత్రంలో నటించిన కార్తి, ప్రస్తుతం కాష్మోరా అనే సినిమాలో నటిస్తున్నాడు. తమిళ, తెలుగు భాషల్లో తెరకెక్కుతోన్న ఈ సినిమా ఫస్ట్‌లుక్ ఇటీవలే విడుదలైంది. దీపావళి కానుకగా విడుదల చేసేందుకు సన్నాహాలు జరుపుతున్న ఈ సినిమా ఫస్ట్‌లుక్‌లో కార్తి లుక్ కొత్తగా వుంది.