ఎన్టీఆర్, సమంత, నిత్యామీనన్ హీరోహీరోయిన్లుగా కొరటాల శివ దర్శకత్వంలో మైత్రి మూవీ మేకర్స్ పతాకంపై తెరకెక్కుతున్న జనతా గ్యారేజ్ చిత్రం వచ్చేనెల 2న విడుదలకు సిద్ధవౌతోంది. ఇప్పటికే తెలుగులో భారీ అంచనాలతోపాటు మంచి బిజినెస్‌ను జరుపుకుంటున్న ఈ సినిమాపై సర్వత్రా ఆసక్తి నెలకొంది. ప్రముఖ మలయాళ నటుడు మోహన్‌లాల్ ముఖ్య పాత్రలో నటిస్తున్న ఈ చిత్రాన్ని తెలుగుతోపాటు మలయాళంలో విడుదల చేయడానికి ప్లాన్ చేశారు.

చక్రవాకం, మొగలి రేకులు టీవీ సీరియల్స్‌తో నటుడిగా గుర్తింపు తెచ్చుకుని మాన్ ఆఫ్ ది మ్యాచ్ సినిమాతో సినీరంగంలోకి అడుగుపెట్టాడు సాగర్. ఆయన తాజాగా నటిస్తున్న చిత్రం ‘సిద్ధార్థ’. కె.వి.దయానందరెడ్డి దర్శకత్వంలో తెరకెక్కుతున్న ఈ చిత్రాన్ని రామదూత క్రియేషన్స్ పతాకంపై దాసరి కిరణ్‌కుమార్ నిర్మిస్తున్నారు. ఈ చిత్రం షూటింగ్ పూర్తిచేసుకుని త్వరలో విడుదలకు సిద్ధమైన సందర్భంగా హీరో సాగర్ వివరాలు తెలిపారు.

తమిళంలో హీరోగా గుర్తింపు తెచ్చుకున్న విశాల్ తెలుగులో కూడా వరుస సినిమాలతో ఇక్కడా మంచి ఇమేజే తెచ్చుకున్నాడు. ప్రస్తుతం ఆయన తమన్నాతో నటిస్తున్న చిత్రం తెలుగు, తమిళ భాషల్లో రూపొందుతోంది. ఈ సినిమా తర్వాత విశాల్ పెళ్లిచేసుకోవడానికి సిద్ధవౌతున్నట్లు తెలిసింది. ఇప్పటికే ఆయన్ను పెళ్లెప్పుడంటూ అందరూ అడుగుతుంటే ‘తర్వాత.. తర్వాత’ అంటూ దాటవేస్తూ వచ్చాడు.

‘ఏ దేశమేగినా ఎందుకాలిడినా, ఏ పీఠమెక్కినా ఎవ్వరెదురైనా పొగడరా నీ తల్లి భూమి భారతిని’ అంటూ ఎలుగెత్తిచాటారు మహాకవి రాయప్రోలువారు. దేశంపై మమకారం లేనివారు బ్రతికుండి విలువలేని వ్యక్తులని ఇప్పుడొస్తున్న కొన్ని సినిమాలు చెబుతున్నాయి. ‘దేశాభిమానం నాకు కద్దని ఒట్టి గొప్పలు చెప్పుకోకోయ్, పూని ఏదైనా సాధించవోయ్’ అంటూ గురజాడవారు పిలుపునిచ్చారు.