ఏఐడిఎంకె వ్యవస్థాపకుడు ఎంజి రామచంద్రన్ శతజయంత్యుత్సవం సందర్భంగా వంద రూపాయల నాణేన్ని ప్రవేశపెట్టనున్నట్టు కేంద్ర ఆర్థిక శాఖ మంగళవారం వెల్లడించింది. ఈ నాణెం 44 మిల్లీమీటర్ల వ్యాసార్థం, 35 గ్రాముల బరువు ఉంటుందని పేర్కొంది. ఒకవైపు దేవనగరి భాషలో సత్యమేవ జయతే అని, రెండోవైపు ఎంజిఆర్ బొమ్మ ఉంటుందని పేర్కొంది.

న్యూఢిల్లీ, సెప్టెంబర్ 12: ఆంధ్రప్రదేశ్‌లోని నరసన్నపేట నుంచి రణస్థలం వరకు ఉన్న 16వ నెంబర్ జాతీయ రహదారిని ఆరు మార్గాల రహదారిగా అభివృద్ధి చేసేందుకు ప్రధాని నరేంద్ర మోదీ అధ్యక్షతన మంగళవారం జరిగిన కేంద్ర ఆర్థిక వ్యవహారాల మంత్రివర్గ ఉపసంఘం ఆమోదం తెలిపింది. నరసన్నపేట- రణస్థలం జాతీయ రహదారిని ఆరు లేన్ల మార్గంగా అభివృద్ధి చేసేందుకు 1,423 కోట్లు ఖర్చవుతుందని అంచనా వేశారు.

చెన్నై, సెప్టెంబర్ 12: తమిళనాడు అధికార అన్నా డిఎంకెలో గత కొన్ని నెలలుగా కొనసాగుతున్న విభేదాలు ఆసక్తికర మలుపు తిరిగాయి. మంగళవారం ఇక్కడ సమావేశమైన అధికార అన్నాడిఎంకె వర్గం తాత్కాలిక ప్రధాన కార్యదర్శి పదవినుంచి శశికళను బర్తరఫ్ చేసింది. దివంగత జయలలితనే ‘శాశ్వత ప్రధాన కార్యదర్శి’గా నియమిస్తూ ఓ తీర్మానం చేసింది.

న్యూఢిల్లీ, సెప్టెంబర్ 12: సదావర్తి భూములను ఉమ్మడి హైకోర్టు ఆదేశానుసారం తిరిగి వేలం నిర్వహించాల్సిందేనని సుప్రీంకోర్టు స్పష్టం చేసింది. మంగళవారం విచారణ సందర్భంగా ‘మీరు మా కళ్లు ఎలా కప్పుతారు’అని పిటిషనర్‌పై ధర్మాసనం మండిపడింది.