ఢిల్లీ : కేంద్ర హోంమంత్రి రాజ్‌నాథ్‌సింగ్‌తో ఆంధ్రప్రదేశ్‌ ఉపముఖ్యమంత్రి, హోంమంత్రి నిమ్మకాయల చినరాజప్ప భేటీ అయ్యారు. ఈ సందర్భంగా రాష్ట్రంలో కరవు, వరదల వల్ల జరిగిన నష్టంపై రాజ్‌నాథ్‌కు ఆయన నివేదిక అందజేశారు.

కోల్‌కతా: పశ్చిమబెంగాల్ రాజధాని కోల్‌కతాలో 2012లో జరిగిన పార్క్‌స్ట్రీట్‌ అత్యాచార ఘటనలో ఈరోజు న్యాయస్థానం ముగ్గుర్ని దోషులుగా నిర్ధారించింది. రేపు కోర్టు వీరికి శిక్ష ఖరారు చేయనుంది. 2012 ఫిబ్రవరి 6న పార్క్‌స్ట్రీట్‌ ప్రాంతంలో ఓ మహిళను కారులో ఎక్కించుకొని తుపాకీతో బెదిరించి అయిదుగురు వ్యక్తులు అత్యాచారానికి పాల్పడ్డారు. కేసులో అయిదుగురు వ్యక్తులపై ఛార్జిషీటు దాఖలైంది.

ముంబయి : హిట్ అండ్ రన్ కేసులో నిర్దోషిగా తేలిన సల్మాన్ ఖాన్‌కు పాస్‌పోర్ట్ తిరిగి ఇవ్వనున్నారు. త్వరలోనే ఆయనకు పాస్‌పోర్టును అందచేస్తారని సల్మాన్ తరుపున లాయర్ అమిత్ దేశాయి తెలిపారు. హిట్ అండ్ రన్ కేసులో సల్మాన్ నిర్ధోషిగా తేలడంతో ఆయన ఫ్యాన్స్ సంబరాల్లో మునిగి తేలుతున్నారు. బాలీవుడ్ స్టార్ ఇంటి దగ్గర భారీ భద్రతను ఏర్పాటు చేశారు.

న్యూఢిల్లీ: నేషనల్ హెరాల్డ్ కేసు రగడ గురువారం కూడా పార్లమెంటు ఉభయసభలను కుదిపేసింది. ఈ విషయమై లోక్‌సభ, రాజ్యసభల్లో కాంగ్రెస్ సభ్యుల ఆందోళనతో గందరగోళం నెలకొనటంతో ఉభయసభలను వాయిదా వేశారు. పార్లమెంటు పనిచేయకపోవడంపై ప్రధానమంత్రి నరేంద్రమోదీ ఆవేదన వ్యక్తం చేశారు. ఏ ఒక్కరి ఇష్టాయిష్టాల మేరకు ప్రజాస్వామ్యం పనిచేయబోదని ఆయన కాంగ్రెస్‌ పార్టీపై మండిపడ్డారు.