న్యూఢిల్లీ, నవంబర్ 4: యుమనానదిపై నిర్మించిన సిగ్నేచర్ వంతెనను ముఖ్యమంత్రి అరవింద్ కేజ్రీవాల్ ఆదివారం ఇక్కడ ప్రారంభించారు. ఈ సందర్భంగా ఆయన మాట్లాడుతూ ఢిల్లీ అభివృద్ధికి తీసుకున్న చర్యలను వివరించారు. ఈ వంతెన వల్ల నగరంలోని ఉత్తర ప్రాంతం, ఈశాన్య ప్రాంతాలకు మధ్య రహదారి అనుసంధానం ఏర్పడిందన్నారు. ఈ వంతెన ఎనిమిది లైన్ల రహదారితో నిర్మించారు.

చెన్నై, నవంబర్ 4: రాజకీయ పార్టీలు ప్రజా సంక్షేమానికి ప్రాధాన్యత ఇవ్వకుండా, అవినీతికి పాల్పడుతూ ప్రజలను మోసం చేస్తున్నాయని సినీనటుడు, మక్కల్ నీది మయమ్ (ఎంఎన్‌ఎం) పార్టీ వ్యవస్థాపకుడు కమల్ హసన్ అన్నారు. ఆదివారం ఆయన ఇక్కడ జన్మదినోత్సవ వేడుకల సందర్భంగా అభిమానులతో మాట్లాడుతూ తనను కలిసేందుకు వచ్చి డబ్బు ఖర్చుపెట్టకుండా, పేదల సంక్షేమానికి ఆ సొమ్మును వెచ్చించాలని కోరారు.

న్యూఢిల్లీ, నవంబర్ 4: మహారాష్ట్ర అడవుల్లో మనిషి మాంసం రుచి మరిగిన అవని అనే పెద్ద పులిని పాశవికంగా వధించడంపై కేంద్ర మంత్రి మేనకాగాంధీ ఆందోళన వ్యక్తం చేవారు. ఈ విషయంలో బీజేపీ ప్రభుత్వంతీరును ఆమె తప్పుబట్టారు. ఆడ పెద్దపులి కనీసం 13 మందిని చంపి తినడంతో గతరెండేళ్లుగా మహారాష్ట్ర, మధ్యప్రదేశ్ అటవీ పోలీసులు వేటాడుతున్నారు. చివరకు శుక్రవారం రాత్రి ఆడ పెద్దపులిని అటవీ సిబ్బంది వధించారు.

ఎన్నికలభూమి.....
============