శబరిమల (కేరళ), నవంబర్ 6: శబరిమల స్వామి అయ్యప్ప దేవాలయం వద్ద మంగళవారం కొంత సేపు ఉద్రిక్తత పరిస్థితులు నెలకొన్నాయి. దీంతో పోలీసులు భద్రతను కట్టుదిట్టం చేశారు. ఒక మహిళా యాత్రికురాలు ఆలయ సందర్శనకు రాగా, 200 మంది భక్తులు అటకాయించారు. మరో ఘటనలో మలయాళం టీవీ చానల్‌కు చెందిన ఒక కెమెరామెన్‌పై దాడి చేశారు. 52 సంవత్సరాల వయస్సు ఉన్న ఒక భక్తురాలు అయ్యప్ప దర్శనానికి రాగా ఆందోళన కారులు అడ్డుకున్నారు.

న్యూఢిల్లీ, నవంబర్ 6: ఇప్పటికే వాతావరణ కాలుష్యం ప్రమాద స్థాయికి చేరుకున్న ఢిల్లీలో దీపావళి తర్వాత ఇది మరింత ఆందోళనకరంగా పరిణమించే అవకాశముందని అధికారులు భావిస్తున్నారు. అయితే దీనిని అధిగమించడానికి వారు దీపావళి తర్వాత దేశరాజధానిలో కృత్రిమ వర్షం కురిపించాలని యోచిస్తున్నారు. మేఘమథనం ద్వారా కురిపించే ఈ వర్షం వాతావరణ కాలుష్యానికి విరుగుడు అవుతుందని వారు అంటున్నారు.

జైపూర్, నవంబర్ 6: ఎన్నికల్లో నిజమైన సమస్యల నుంచి ప్రజల దృష్టిని మళ్లించేందుకే బీజేపీ నేతలు రామమందిరాన్ని తిరిగి తెరపైకి తెస్తున్నారని రాజస్థాన్ ప్రదేశ్ కాంగ్రెస్ కమిటీ అధ్యక్షుడు సచిన్ పైలట్ ఆరోపించారు. ఎన్నికల ముందు ఇలా ఈ అయోధ్య వివాదాన్ని ప్రస్తావించి లబ్ధిపొందాక తిరిగి నాలుగు సంవత్సరాలపాటు వౌనం వహించడం వారికి పరిపాటేనన్నారు.

అయోధ్య, నవంబర్ 6: అయోధ్య లక్షలాది దీపాల కాంతులతో మంగళవారం మిరుమిట్లు గొలిపింది. దీపావళి సందర్భంగా దాదాపు మూడు లక్షల దీపాలను సరయు తీరంలో ఏకకాలంలో వెలిగించారు. ఈ స్థాయిలో ఒకేసారి దీపాలను వెలిగించడం ద్వారా గిన్నిస్ రికార్డును సాధించారు. ఈ విషయాన్ని గిన్నిస్ ప్రపంచ రికార్డుల అధికారిక నిర్ధారణకర్త రుషినాథ్ వెల్లడించారు.