న్యూఢిల్లి: ఉమ్మడి హైకోర్టు విభజనపై సుప్రీం కోర్టు ఉత్తర్వులు జారీ చేసింది. ఏపీ ప్రభుత్వం సమర్పించిన అఫిడవిట్‌పై సుప్రీం కోర్టు సంతృప్తి వ్యక్తం చేసింది. డిసెంబర్ 15నాటికి హైకోర్టు తాత్కాలిక భవనం నిర్మాణం పూర్తవుతున్నందున జనవరి కల్లా రెండు రాష్రాల్లో హైకోర్టులు ప్రారంభమవుతాయని ఆశిస్తున్నట్లు పేర్కొంది.

న్యూఢిల్లీ: దేశ రాజధాని న్యూఢిల్లీలో తీవ్ర వాయుకాలుష్యం చోటుచేసుకుంది. పరిసర ప్రాంతాలను మందపాటి పొగ ఆవరించింది. ఆదివారంనాడు కాస్త ఉపశమనం కలిగించినప్పటికీ సోమవారంనాటికి ప్రమాదకర స్థాయికి చేరుకుంది. గాలిలో తేమ స్థాయి, ఉష్ణోగ్రతలు పడిపోవడం కూడా వాయు నాణ్యతపై ప్రభావం చూపిస్తాయని పేర్కొంది.

తిరువనంతపురం: శబరిమల ఆలయం ఈరోజు సాయంత్రం తెరుచుకోనున్న నేపథ్యంలో ఆలయంలో విస్తత్ర బందోబస్తు ఏర్పాటుచేశారు. దాదాపు 2300 మంది సిబ్బందితో ఈ బందోబస్తును నిర్వహిస్తున్నారు. గత నెలలో మాసపూజ సందర్భంగా ఆలయం తెరుచుకున్న సందర్భంలో కొంతమంది మహిళలు వెళ్లటానికి ప్రయత్నించారు. దీంతో హిందూ సంస్థలు ప్రతిఘటించాయి. దీంతో పంబ, నీలక్కల్, సన్నిధానం, ఎలవుంకల్ తదితర ప్రాంతాల్లో విస్తత్రంగా బందోబస్తు నిర్వహించారు.

హరిద్వార్, నవంబర్ 4: అయోధ్యలో రామాలయాన్ని త్వరలోనే నిర్మిస్తామని ఉత్తర ప్రదేశ్ ముఖ్యమంత్రి యోగి ఆదిత్యనాధ్ ఉద్ఘాటించారు. దేశంలో రామభక్తులందరూ ఇందుకు సంబంధించి శుభవార్త వినబోతున్నారని, దీపావళి రోజున రాముడి పేరిట దీపాలు వెలిగించాలని ఆయన పిలుపునిచ్చారు.