అసాంఘిక శక్తుల ఆటకట్టించండి
Published Monday, 29 August 2016కడప,(క్రైమ్)ఆగస్టు 28: పోలీసు అధికారులు, సిబ్బంది ప్రజలతో మంచి సంబంధాలు కలిగి పోలీసులపై ఉన్న చెడు అభిప్రాయాన్ని తొలగించుకుని అసాంఘిక శక్తుల ఆటకట్టించి, శాంతి భద్రతలు కాపాడి ప్రజల్లో పోలీసులపై నమ్మకాన్ని పెంపొందించుకోవాలని జిల్లా ఎస్పీ పిహెచ్డి రామకృష్ణ ఆదేశించారు. ఆదివారం పోలీసు ప్రధానకార్యాలయంలో జిల్లాకు చెందిన ఏఎస్పీలు, డిఎస్పీలు, సిఐలతో క్రైమ్సమావేశం నిర్వహించారు. ఆ సందర్భంగా ఎస్పీ మాట్లాడుతూ విధి నిర్వహణలో ఎటువంటి తప్పులు చేయకుండా చట్టాన్ని పరిరక్షిస్తూ ఎటువంటి వత్తిళ్లకు లొంగకుండా న్యాయాన్ని కాపాడాలని బాధితులను ఆదుకోవాలని, ఎటువంటి సిఫార్సులకు తలొగ్గరాదని ఆయన ఆదేశించారు.