జీవన సౌలభ్యం-ఈజ్ ఆఫ్ లివింగ్-గురించి కేంద్ర ఆర్థిక మంత్రి నిర్మలా సీతారామన్ ప్రస్తావించడం హర్షణీయం. జూలై ఐదవ తేదీన పార్లమెంటుకు సమర్పించిన నూతన వార్షిక ‘ఆదాయ వ్యయ ప్రణాళిక’- బడ్జెట్-లో జీవన సౌలభ్యం గురించి ప్రధానంగా ప్రస్తావించడం ‘వాణిజ్య ప్రపంచీకరణ’ నుంచి భారతీయ జీవనం క్రమంగా విముక్తం కాగలదన్న ఆశలు అంకురించడానికి ప్రాతిపదిక! అంకురించిన ఆశలు చిగురిస్తాయా?- అన్నది వేచి చూడదగిన పరిణామం.

మన దేశంలో తిష్ఠవేసిన సమయంలో ఘోర నేరాలు చేసిన విదేశీయులు తప్పించుకొని స్వదేశాలకు వెళ్లగలుగుతున్నారు. కొందరు మన యంత్రాంగం కళ్లుగప్పి జారుకున్నారు, మరికొందరు మన యంత్రాంగం నిర్లక్ష్యం కారణంగా పారిపోగలిగారు. ఇంకొందరు బహిరంగంగా, దర్జాగా, ప్రభుత్వం వారి అనుమతితోను సహకారంతోను విమానాలనెక్కి ఉడాయించారు. కానీ నేరం చేయని మన దేశస్థులు నేరారోపణలకు గురై విదేశాల జైళ్లలో మగ్గుతున్నారు.

హాంగ్‌కాంగ్ ప్రాంతంలో ప్రస్తుతం చైనా ప్రభుత్వ వ్యతిరేక నిరసన జ్వాలలు చెలరేగుతుండడం, ‘కైలాస పర్వత మానస సరోవర’ ప్రాంతం చైనా అక్రమ అధీనంలో కొనసాగుతుండడం సమాంతర చరిత్రతో ముడివడిన విపరిణామ క్రమం. ఈ సమాన సమాంతర చరిత్ర బ్రిటన్ సామ్రాజ్యవాదుల దురాక్రమణ. చైనా ప్రధాన భూభాగాన్ని ఆనుకొని ఉన్న ‘హాంగ్‌కాంగ్’ను క్రీస్తుశకం 1842లో బ్రిటన్ కబళించింది.

దేశంలోని రైతులకు అవసరవౌతున్న విత్తనాలలో డెబ్బయి శాతం తెలంగాణలోనే ఉత్పత్తి అవుతుండడం తెలుగువారికి గర్వకారణం. ‘విత్తనాల ఉత్పత్తికి సంబంధించిన సాంకేతిక పరిజ్ఞాన అంతర్జాతీయ సంస్థ’- ఇంటర్నేషనల్ సీడ్ టెక్నాలజీ అసోసియేషన్- ఇస్టా- ముప్పయి రెండవ మహాసభల సందర్భంగా తెలంగాణ రాష్ట్రం సాధించిన ఈ వ్యవసాయ ప్రగతి ప్రధానంగా ప్రస్తావనకు వచ్చింది.