అస్మిన్ అంతరిక్షే మహార్ణవే- ఈ అంతరిక్ష మహాసముద్రంలో- ఇది మరో మథనం, మరో అద్భుతం, మరో చారిత్రక శుభ పరిణామం, మరో విజయం. మహార్ణవ మథనం నుండి చంద్రుడు ఉద్భవించడం సృష్టి నిహిత వాస్తవం, సనాతన-శాశ్వత- తత్త్వం! అంతరిక్ష ‘మథనం’ సాగిస్తూ ‘ద్వితీయ చంద్రయాన్ ఉపగ్రహం’ చంద్రుని వైపు దూసుకొని వెడుతుండడం వర్తమాన వాస్తవం.

మార్కెట్ ఎకానమీ వ్యవస్థను మరింత బలోపేతం చేయడానికి కేంద్ర ప్రభుత్వం నడుం బిగించి ‘చిత్తశుద్ధి’తో కృషిచేస్తుండడం నడుస్తున్న చరిత్ర. ఈ ‘చిత్తశుద్ధి’ని కేంద్ర రవాణా, రహదారుల మంత్రి నితిన్ గడ్కరీ మరోసారి లోక్‌సభలో ఆవిష్కరించాడు, దేశ ప్రజలను చకితులను చేశాడు. దేశ ప్రజలు విస్మయ చకితులయ్యారా? లేక ఆనంద ఆశ్చర్య చకితులయ్యారా? అన్నది ఏకాభిప్రాయం కుదరని విషయం.

నిలబడి ‘సుఖంగా’ ప్రయాణం చేయాలన్నది ‘నిలువున’ పెరుగుతున్న నగరాలలోని జీవన రీతి- లైఫ్ స్టయిల్-! ఆధునిక విలాసం- మోడరన్ ఫాషన్. ఎందుకంటె పద్దెనిమిది ఏళ్లు నిండిన నలబయి ఐదు ఏళ్లు నిండని నాగరిక యువజనులలో అత్యధికులకు- కూచోవడానికి వీలుగా వంగవలసిన- మోకాళ్లు వంగడం లేదు. లావెక్కి ఉన్న నడుములు ఎలాగూ వంగవు. ‘అదేమిటయ్యా? నేలమీద కూర్చొనడానికి కదా నడుములు, మోకాళ్లు వంగవలసిన అవసరం ఉంది..

తెలంగాణ ప్రభుత్వ కార్యక్రమాలకు నూతన సచివాలయ నిర్మాణ పథకం కేంద్ర బిందువుగా మారి ఉండడం నడుస్తున్న చరిత్ర. ఆంధ్రప్రదేశ్ ప్రభుత్వ కార్యక్రమాలకు నూతన రాజధాని నిర్మాణ పథకం కేంద్ర బిందువు కావడం నడచిన చరిత్ర. ఆంధ్రప్రదేశ్‌లో ఈ చరిత్రగతి ‘మందకొడి’ కావడం, తెలంగాణలో ఈ చరిత్ర వేగవంతం కావడం సమాంతర పరిణామాలు!