నల్లజర్ల, జనవరి 8: జాతీయస్థాయి క్రీడలను 2018లో ఆంధ్రప్రదేశ్‌లో నిర్వహిస్తామని ముఖ్యమంత్రి నారా చంద్రబాబునాయుడు తెలిపారు. పశ్చిమ గోదావరి జిల్లా నల్లజర్ల జిల్లా పరిషత్ హైస్కూల్‌లో జిల్లా పరిషత్ ఛైర్మన్ కప్ క్రీడాపోటీలను శుక్రవారం ముఖ్యమంత్రి చంద్రబాబు క్రీడాజ్యోతిని వెలిగించి ప్రారంభించారు.

అనంతపురం : భారత క్రికెట్ జట్టు కెప్టెన్ మహేంద్రసింగ్ ధోనికి అనంతపురం కోర్టు నాన్‌బెయిల్‌బుల్ అరెస్టు వారెంట్ జారీ చేసింది. 2013లో బిజినెస్ టుడే మ్యాగజైన్‌లో విష్ణుమూర్తి అవతారంలో ధోని పాదరక్షలు పట్టుకున్న చిత్రం ప్రచురితమైంది. దీనిపై విశ్వహిందూ పరిషత్ జిల్లా ఉపాధ్యక్షుడు శ్యాంసుందర్ జిల్లా కోర్టులో పిటిషన్ దాఖలు చేశారు.

న్యూఢిల్లీ, జనవరి 7: స్వీడన్‌లోని సావ్జోలో జరుగుతున్న స్వీడిష్ కప్ గ్రాండ్ ప్రీలో భారత ఏస్ షూటర్ అపూర్వీ చండీలా వరుసగా రెండో రోజు రెండో స్వర్ణ పతకాన్ని కైవసం చేసుకుంది. ఇక్కడికి అందిన సమాచారం ప్రకారం, మహిళల 10 మీటర్ల ట్రై-సిరీస్ ఈవెంట్‌లో 23 ఏళ్ల అపూర్వీ 208.9 పాయింట్లు సంపాదించి స్వర్ణ పతకాన్ని అందుకుంది.

పెర్త్, జనవరి 7: వెస్టర్న్ ఆస్ట్రేలియా ఎలెవెన్ జట్టుతో మహేంద్ర సింగ్ ధోనీ నేతృత్వంలోని భారత జట్టు రెండు వామప్ మ్యాచ్‌లు ఆడుతుంది. శుక్రవారం టి-20 మ్యాచ్ జరుగుతుంది. ఒక రోజు తర్వాత అదే జట్టుతో 50 ఓవర్ల మ్యాచ్‌లో తలపడుతుంది. వివిధ టోర్నీల్లో పెర్త్ స్కార్చర్స్ పేరుతో ఆడే వెస్టర్న్ ఆస్ట్రేలియా జట్టులోని కీలక ఆటగాళ్లకు భారత్‌తో జరిగే రెండు వామప్ మ్యాచ్‌ల నుంచి మినహాయింపునిచ్చారు.