హైదరాబాద్, నవంబర్ 2: తమ సమస్యలు పరిష్కరించాలని కోరుతూ క్యాబ్ డ్రైవర్లు గురువారం అసెంబ్లీ ముట్టడికి యత్నించారు. రోడ్డుపై కార్లను పార్క్ చేసి తాళం వేసి ఆందోళనకు దిగారు. దీంతో అసెంబ్లీ పరిసరాల్లో భారీగా ట్రాఫిక్ స్తంభించింది. కొన్ని క్యాబ్ సంస్థలను నిషేధించాలని క్యాబ్ డ్రైవర్లు డిమాండ్ చేశారు. పోలీసుల రంగ ప్రవేశంతో ఆందోళనకారులు ప్రభుత్వానికి వ్యతిరేకంగా నినాదాలు చేశారు.

హైదరాబాద్/ఉప్పల్, నవంబర్ 2: రైతులను ఆదుకునేందుకు ప్రభుత్వం ప్రారంభించిన వ్యవసాయ యాంత్రీకరణ పథకం పక్కదారి పట్టిందని కాంగ్రెస్ సభ్యులు గురువారం శాసనమండలిలో ఆరోపించారు. ప్రశ్నోత్తరాల సమయంలో చర్చ సందర్భంగా కాంగ్రెస్ సభ్యులు మహమ్మద్ అలీ షబ్బీర్, పొంగులేటి సుధాకర్‌రెడ్డి, దామోదర్‌రెడ్డి, ఆకుల లలిత మాట్లాడుతూ వ్యవసాయ యాంత్రీకరణ పథకం అనర్హులకు వరంలా మారిందన్నారు.

హైదరాబాద్, నవంబర్ 2: తెలంగాణలో సాంకేతిక విద్యారంగంలో విప్లవాత్మక మార్పులు తెచ్చేందుకు ఉన్నత విద్యామండలి దార్శనిక పత్రాన్ని రూపొందించింది. రానున్న రోజుల్లో గిరాకీ లేని కోర్సులను రద్దుచేసి మార్కెట్ డిమాండ్ ఉన్న కొత్త కోర్సులకు ప్రాధాన్యత ఇవ్వాలని నిర్ణయించింది. దార్శనిక పత్రాన్ని ఉన్నత విద్యామండలి చైర్మన్ ప్రొఫెసర్ టి పాపిరెడ్డి పాత్రికేయులకు విడుదల చేశారు.

హైదరాబాద్, నవంబర్ 2: తెలంగాణ రాజముద్రతో పట్టాదారు పాసు పుస్తకాల జారీకి రెవిన్యూశాఖ కసరత్తు చేస్తుంది. రాష్టవ్య్రాప్తంగా కొనసాగుతున్న భూ ప్రక్షాళన కార్యక్రమం పూర్తి కాగానే పట్టాదారు పాసు పుస్తకాల జారీ కార్యక్రమాన్ని చేపట్టడానికి రెవిన్యూశాఖ సన్నద్ధం అవుతుంది.