హైదరాబాద్/బాలాపూర్/వనస్థలిపురం, నవంబర్ 4: పోలీస్ శాఖలో కాలానికనుగుణంగా మార్పులు జరగాల్సి ఉంటుందని తెలంగాణ రాష్ట్ర డైరెక్టర్ జనరల్ ఆఫ్ పోలీస్ అనురాగ్ శర్మ అన్నారు. శనివారం రాచకొండ పోలీస్ కమిషనరేట్ పరిధిలోని పహాడీ షరీఫ్ పోలీస్ స్టేషన్ ఆధునీకరించిన భవనాన్ని ఆయన ప్రారంభించారు.

హైదరాబాద్, నవంబర్ 4: రాచకొండ పోలీస్ కమిషనరేట్ పరిధిలోని సరూర్‌నగర్ సిఐ లింగయ్య హోంగార్డుతో మసాజ్ చేయించుకున్నట్టు సామాజిక మాధ్యమాల్లో ఓ వీడియో హల్‌చల్ చేస్తోంది. దీంతో సిఐ లింగయ్య వివాదంలో చిక్కుకున్నారు. హోంగార్డుతో రోజూ ఇంటిపనులు చేయించుకోవడమే కాకుండా బాడీ మసాజ్ కూడా చేయించుకుంటున్నట్టు ఆ దృశ్యాల్లో ఉన్నాయి. ఈ విషయం ఉన్నతాధికారుల దృష్టికి వెళ్లింది.

హైదరాబాద్, నవంబర్ 4: ఎన్నికల సర్వే పేరుతో సిఎం కెసిఆర్ తన శ్రేణుల్లో విశ్వాసం నింపే ప్రయత్నం చేస్తున్నారని సిపిఎం రాష్ట్ర కమిటీ విమర్శించింది. ఇతర పార్టీల నుంచి ఫిరాయింపులను ప్రోత్సహించడానికి తీవ్రంగా ప్రయత్నిస్తున్నారని అన్నారు. ‘సామాజిక తెలంగాణా-సమగ్రాభివృద్ధి’ అజెండాగా ప్రత్యామ్నాయ రాజకీయ వేదిక ఏర్పాటు కావాలని ఆశాభావం వక్తం చేస్తున్నట్లు సిపిఎం వెల్లడించింది.

హైదరాబాద్, నవంబర్ 4: ఆర్టీసీ బస్సుల రాకపోకల సంబంధిన సమాచారం ప్రయాణికులకు ఎప్పటికప్పుడు తెలిసేలా కొత్త చర్యలు ప్రారంభించినట్టు రాష్ట్ర రవాణాశాఖ మంత్రి పి మహేందర్‌రెడ్డి తెలిపారు. పెద్ద ఎల్‌ఈడీ స్క్రీన్ల ద్వారా ప్రయాణీకులకు బస్సులకు సంబంధించిన కచ్చితమైన సమాచారం తెలుస్తుందన్నారు. అంతే కాకుండా జీపీఆర్ సర్వీస్ ప్రయాణికులకు బస్సుల రాకపోకల వివరాలు పూర్తిగా తెలుస్తాయన్నారు.