హైదరాబాద్, అక్టోబర్ 8: జోనల్ వ్యవస్థపై రాష్ట్ర ప్రభుత్వానికే స్పష్టత లేదని బిజెపి జాతీయ నాయకుడు, మాజీ ఎమ్మెల్యే ఎన్. ఇంద్రసేనా రెడ్డి విమర్శించారు. తెలంగాణ రాష్ట్రం ఏర్పాటైన తర్వాత జోనల్ వ్యవస్థ ఎందుకని ముఖ్యమంత్రి కె. చంద్రశేఖర్ రావు లోగడ ప్రశ్నించారని ఇంద్రసేనారెడ్డి ఆదివారం పార్టీ నాయకులు ప్రకాశ్‌రెడ్డి, చింతా సాంబమూర్తి, ఎ.నరేష్‌రెడ్డితో కలిసి విలేఖరుల సమావేశంలో మాట్లాడుతూ ప్రశ్నించారు.

హైదరాబాద్, అక్టోబర్ 7: రాష్ట్రంలో పెండింగ్‌లో ఉన్న ఐడిసి ఎత్తిపోతల పథకాలను పూర్తి చేసి అదనంగా లక్ష ఎకరాలకు సాగునీరు అందించాలని నీటిపారుదల శాఖ మంత్రి హరీశ్‌రావు ఆదేశించారు. ఆయా లిఫ్ట్ పనుల పురోగతిపై లక్ష్యం మేరకు పనులు పూర్తి చేయకుండా అలసత్వం ప్రదర్శించే వారిపై చర్యలు తీసుకునేందుకు వెనుకాడబోమని హరీశ్‌రావు స్పష్టం చేశారు.

హైదరాబాద్, అక్టోబర్ 7: దండు మల్కాపూర్‌లోని 450 ఎకరాల్లో టిఐఎఫ్-ఎంఎస్‌ఎంఈ గ్రీన్ మాడల్ ఇండస్ట్రియల్ పార్కును అభివృద్ధి చేయనున్నట్లు రాష్ట్ర ఐటి, పరిశ్రమల శాఖ మంత్రి కె. తారక రామారావు తెలిపారు. రాష్ట్రంలో మొదటిసారి 450 ఎకరాల్లో ఏర్పాటు చేయనున్న ఈ పార్కులో అంతర్జాతీయ స్థాయిలో వౌలిక సదుపాయాలు కల్పిస్తామన్నారు.

హైదరాబాద్, అక్టోబర్ 7: కొత్తగా ఏర్పాటైన జిల్లాల్లో జిల్లా కలెక్టరేట్లు, జిల్లా అధికారుల కార్యాలయాలకు ఈ నెల 11 న శంకుస్థాపన చేయాలని ప్రభుత్వం నిర్ణయించింది. సిద్ధిపేట, సిరిసిల్లా, నిర్మల్ జిల్లా కేంద్రాల్లో ముఖ్యమంత్రి కె. చంద్రశేఖరరావు శంకుస్థాపన చేస్తారు. మిగతా జిల్లాల్లో మంత్రులు శంకుస్థాపన చేస్తారు.