హైదరాబాద్, అక్టోబర్ 10: మేడ్చెల్ జిల్లా దూలపల్లి పరిశ్రమల వల్ల కాలుష్యం పెరిగిందనే విషయమై కమిటీని నియమించి అంచనా వేయాలని హైకోర్టు మేడ్చెల్ జిల్లా కలెక్టర్‌ను ఆదేశించింది. ఈ విషయమై జి సతీష్ తదితరులు దాఖలు చేసిన పిటిషన్‌ను హైకోర్టు తాత్కాలిక ప్రధాన న్యాయమూర్తి జస్టిస్ రమేష్ రంగనాథన్, జస్టిస్ జి గంగారావు విచారించారు.

హైదరాబాద్, అక్టోబర్ 9: అండమాన్ నికోబార్‌లో అక్టోబర్ 10 నుండి 14 వరకు జరిగే ‘బేటీ బచావో బేటీ పడావో’ జాతీయ సదస్సులో పాల్గొనేందుకు తెలంగాణ రాష్ట్ర సాంఘిక సంక్షేమ బోర్డు చైర్‌పర్సన్ రాగం సుజాత నాగేందర్ మంగళవారం వెళుతున్నారు. తెలంగాణ రాష్ట్రంలో మహిళల సంక్షేమం, అభివృద్ధి కోసం చేపడుతున్న వివిధ కార్యక్రమాలపై ఆమె ఈ సందర్భంగా వివరిస్తారు.

హైదరాబాద్, అక్టోబర్ 9: తెలంగాణలోని వేర్వేరు ప్రాంతాల్లో వచ్చే 24 గంటల్లో ఉరుములు, మెరుపులతో కూడిన భారీ వర్షం కురిసే అవకాశం ఉందని భారత వాతావరణ శాఖ (ఐఎండి) హెచ్చరించింది. నైరుతీ రుతుపవనాలు చురుగ్గా ఉన్నాయని, ఈ ప్రభావం తెలంగాణ రాష్ట్రంతో పాటు ఇతర రాష్ట్రాల్లో కూడా ఉంటుందని ఐఎండి హైదరాబాద్ కేంద్రం డైరెక్టర్ (ఇంచార్జి) వైకె రెడ్డి తెలిపారు.

హైదరాబాద్, అక్టోబర్ 9: ఆత్మహత్య చేసుకున్న రైతు కుటుంబాలకు ఎక్స్‌గ్రేషియా చెల్లించడానికి రూ.27 కోట్ల 42 లక్షలు విడుదల చేస్తూ ప్రభుత్వం సోమవారం ఉత్తర్వులు జారీ చేసింది. మృతి చెందిన ఒక్కో రైతు కుటుంబానికి ఆరు లక్షల రూపాయాల చొప్పున చెల్లించనున్నారు. రాష్టవ్య్రాప్తంగా 457 మంది రైతులు ఆత్మహత్య చేసుకున్నట్టు కలెక్టర్లు పంపించిన నివేదిక ప్రకారం వారి కుటుంబాలకు ఈ మొత్తాన్ని అందజేస్తారు.