హైదరాబాద్(ఖైరతాబాద్), జనవరి 30: రాజధాని హైదరాబాద్‌లో సోమవారం ఓ కారు బీభత్సాన్ని సృష్టించింది. అతివేగంగా వచ్చిన ఓ కారు బంజారాహిల్స్ షేక్‌పేట నాలా సమీపంలో విధ్వంసానికి కారణమైంది. కేంద్ర ప్రభుత్వ సహాయంతో అపోలో ఆసుపత్రిలో నర్సింగ్ శిక్షణ పొందుతున్న సుమారు 13 మంది నర్సింగ్ విద్యార్థులు ఈ ప్రమాదంలో గాయపడ్డారు.

హైదరాబాద్, జనవరి 30: పెద్ద నోట్ల రద్దు ఒక కుంభకోణమని చిదంబరం పేర్కొనడం హాస్యాస్పదమని కేంద్ర మంత్రి బండారు దత్తాత్రేయ వ్యాఖ్యానించారు. ఇఎస్‌ఐసి కార్యాలయంలో సోమవారం నాడు జరిగిన ఒక కార్యక్రమంలో పాల్గొన్న దత్తాత్రేయ అనంతరం పాత్రికేయులతో మాట్లాడారు. ప్రధాని తీసుకున్న నిర్ణయంపై ప్రజలు సంపూర్ణ మద్దతు ప్రకటించారని దత్తాత్రేయ చెప్పారు.

హైదరాబాద్, జనవరి 30: సైనికుల సంక్షేమం కోసం తెలంగాణ నాన్-గెజిటెడ్ అధికారుల సంఘం ఒక రోజు వేతనాన్ని విరాళంగా ఇస్తోంది. రాష్ట్ర వ్యాప్తంగా ఉన్న టిఎన్‌జిఓల వేతనం నుండి ఒకరోజు వేతనాన్ని సేకరించి సైనికులు, వారి కుటుంబ సభ్యుల సంక్షేమానికి వినియోగించాలని టిఎన్‌జిఓల సంఘం రాష్ట్రప్రభుత్వాన్ని కోరింది. ఈ మేరకు టిఎన్‌జిఓల కేంద్ర కమిటీ అధ్యక్షుడు 2017 డిసెంబర్ 23 న ప్రభుత్వానికి లేఖరాశారు.

హైదరాబాద్, జనవరి 30: కాంగ్రెస్ పార్టీ డైరెక్షన్‌లో టిజాక్ నేత కోదండరామ్ ఓవర్ యాక్షన్ చేస్తున్నారని టిఆర్‌ఎస్ నాయకులు విమర్శించారు. ఎంపిలు బాల్కసుమన్, ఎంపి సీతారామ్‌నాయక్, ఎమ్మెల్యే గాదరి కిషోర్, ఎమ్మెల్సీలు రాములు నాయక్, మాజీ ఎమ్మెల్యే కావేటి సమ్మయ్య టిఆర్‌ఎస్‌ల్‌పిలో సోమవారం జరిగిన విలేఖరుల సమావేశంలో మాట్లాడారు. ఉద్యోగ విరమణ చేసిన కోదండరామ్ కొందరు నిరుద్యోగులకు నాయకుడిగా మారిపోయారని అన్నారు.