హైదరాబాద్, జనవరి 30: పులిచింతల రిజర్వాయర్‌లో క్రస్ట్ లెవెల్ వరకు నీటిమట్టం కొనసాగించాలని కోరుతూ నీటిపారుదల మంత్రి తన్నీరు హరీశ్‌రావు ఆంధ్రప్రదేశ్ నీటిపారుదల మంత్రి దేవినేని ఉమా మహేశ్వరరావుకు లేఖ రాశారు. పులిచింతల బ్యాక్‌వాటర్ ఆధారంగా నడుస్తున్న ఎనిమిది లిఫ్టుల పరిధిలో ఆయకట్టును ఆదుకోవడానికి క్రస్ట్ లెవెల్ వరకు రిజర్వాయర్ నీటిమట్టం కొనసాగించాల్సిందేనని లేఖలో పేర్కొన్నారు.

హైదరాబాద్, జనవరి 30: సిసి రోడ్ల నిర్మాణం, చెక్ డ్యామ్‌ల నిర్మాణం, డ్రైనేజీ కాలువల నిర్మాణం, చెరువుల్లో పూడిక తీసివేత వంటి పనులను ఉపాధి హామీ పథకం కింద చేపట్టనున్నట్టు పంచాయితీరాజ్, గ్రామీణాభివృద్ధి శాఖ మంత్రి జూపల్లి కృష్ణారావు తెలిపారు. సెర్ఫ్ కార్యాలయంలో సోమవారం ఉపాధి హామీ కౌన్సిల్ తొలి సమావేశం జరిగింది. ఈ సమావేశంలో మంత్రి జూపల్లి మాట్లాడుతూ ఉపాధి హామీ పనులను పెద్దఎత్తున చేపట్టాలని సూచించారు.

హైదరాబాద్, జనవరి 30: రాష్ట్రప్రభుత్వం పశుసంపదకు వచ్చే బడ్జెట్‌లో భారీగా నిధులు కేటాయిస్తుందని పశుసవంర్థక మంత్రి తలసాని శ్రీనివాసయాదవ్ తెలిపారు. సచివాలయంలో సోమవారం ఆయన తెలంగాణ నాన్‌గెజిటెడ్ వెటర్నరీ అసోసియేషన్ డైరీని ఆవిష్కరించారు. ఈ సందర్భంగా మాట్లాడుతూ తమ ప్రభుత్వం పశుగణాభివృద్ధి, మత్స్యసంపదను పెంపొదించేందుకు పాడిని ప్రోత్సహించేందుకు ప్రత్యేక చర్యలు చేపడుతోందన్నారు.

హైదరాబాద్, జనవరి 30: రాష్ట్ర కౌన్సిల్, అసెంబ్లీ బడ్జెట్ సమావేశాలు ఫిబ్రవరి మూడో వారంలో ప్రారంభంకానున్నాయి. కేంద్ర ప్రభుత్వం తరహాలో రాష్టబ్రడ్జెట్‌ను సైతం ముందుగానే ఉభయ సభల్లో ప్రతిపాదించి ఆమోదించుకోవాలని రాష్ట్ర ప్రభుత్వం భావిస్తోంది. ఫిబ్రవరి 1న కేంద్ర బడ్జెట్‌లో కేటాయింపులకు అనుగుణంగా రాష్ట్ర బడ్జెట్‌ను రూపొందించాలని ప్రభుత్వం నిర్ణయించింది.