హైదరాబాద్, సెప్టెంబర్ 1: గ్యాంగ్‌స్టర్ నరుూం ముఖ్య అనుచరుల వేట కొనసాగుతోంది. నరుూం కేసులో దర్యాప్తును సిట్ అధికారులు ముమ్మరం చేశారు. దాదాపు 40 మంది నరుూం అనుచరులు, బంధువులు అరెస్టు అయిన ఈ కేసు దర్యాప్తు కీలక దశకు చేరుకుంది. నరుూం కేసు దర్యాప్తులో భాగంగా ఆయన అనుచరులు ఒక్కొక్కరిని అరెస్టు చేస్తున్నారు.

హైదరాబాద్‌ : పశ్చిమ మధ్య బంగాళాఖాతంలో ఉత్తరకోస్తాను ఆనుకుని ఉపరితల ఆవర్తనం కొనసాగుతోంది. దీని ప్రభావంతో తెలుగు రాష్ర్టాల్లో వర్షాలు పడతాయని వాతావరణ శాఖ తెలిపింది. గురువారం ఉదయం నుంచి ఉపరితల ఆవర్తనం బలహీనపడిందని, ఒడిశా నుంచి దక్షిణ తెలంగాణ వరకు అల్పపీడన ద్రోణి ఉండడంవలన రాగల 24 గంటల్లో కోస్తా ఆంధ్రలో ఒక మోస్తరు వర్షాలు పడే అవకాశం ఉంది.

హైదరాబాద్‌: గోదావరి జలాల ద్వారా కోటి ఎకరాలకు సాగునీరు అందించేందుకు చర్యలు తీసుకుంటున్నట్లు మంత్రి హరీశ్‌రావు గురువారం చెప్పారు. విద్యుత్‌ కోతలు లేని రాష్ట్రంగా తెలంగాణ మారిందని, జనరేటర్లు, ఇన్వెర్టర్లకు గిరాకీ తగ్గిందన్నారు. నీటి ప్రాజెక్టుల ద్వారా పరిశ్రమలకు 10శాతం నీటిని కేటాయించనున్నట్లు తెలిపారు.

హైదరాబాద్‌: తెలంగాణ రాష్ట్ర ప్రభుత్వ ఉద్యోగులకు 3.144 శాతం డీఏ పెంపునకు ముఖ్యమంత్రి కేసీఆర్‌ గురువారం సంతకం చేశారు. పెంచిన డీఏ ఈ ఏడాది జనవరి నుంచి అమల్లోకి వస్తుంది. డీఏ పెంపుపై టీఎన్జీవోస్ నేతలు హర్షం వ్యక్తం చేశారు. డీఏ పెంచినందుకు సీఎం కేసీఆర్కు టీఎన్జీవోస్ గౌరవ అధ్యక్షుడు దేవీ ప్రసాద్, అధ్యక్షుడు రవీందర్రెడ్డి, ప్రధాన కార్యదర్శి రాజేందర్ కృతజ్ఞతలు తెలిపారు.