హైదరాబాద్, సెప్టెంబర్ 1: తెలంగాణ రాష్ట్రంలో నైరుతీ రుతుపవనాల మూలంగా కురుస్తున్న వర్షం, ప్రధాన నదుల్లో నీటిప్రవాహాలపై ఎప్పటికప్పుడు పరిశీలన చేసేందుకు అధికారులతో కూడిన ఒక కమిటీని నియమించారు. ఈ మేరకు విపత్తు నిర్వహణ కమిషనర్, ఎక్స్ ఆఫీషియో స్పెషల్ చీఫ్ సెక్రటరీ కె. ప్రదీప్ చంద్ర పేరుతో గురువారం ఉత్తర్వులు జారీ అయ్యాయి. జూన్ 1 న ప్రారంభమైన నైరుతీ రుతుపవనాలు సెప్టెంబర్ 30 వరకు ఉంటాయి.

హైదరాబాద్, సెప్టెంబర్ 1: హీరో కంపెనీ ఏర్పాటు చేసిన బిఎంఎల్ ముంజల్ యూనివర్శిటీలో ఆపరేషనల్ ఎక్స్‌లెన్స్ రీసెర్చి సెంటర్‌ను ప్రారంభించినట్టు సంస్థ అధ్యక్షుడు అక్షయ్ ముంజల్ తెలిపారు.

హైదరాబాద్: చదువుల తల్లి సరస్వతి ఇపుడు లక్ష్మీదేవిలా మారిందని, లోపాలమయంగా మారిన నేటి విద్యావ్యవస్థను ఇకనైనా ప్రక్షాళన చేయాలని తెలుగు రాష్ట్రాల ఉమ్మడి గవర్నర్ నరసింహన్ అన్నారు. తెలంగాణ జాగృతి సంస్థ ఆధ్వర్యంలో నగరంలో శుక్రవారం నైపుణ్య అభివృద్ధి శిక్షణ కార్యక్రమం ప్రారంభం సందర్భంగా ఆయన మాట్లాడారు.

హైదరాబాద్: నయీమ్ కేసులో మరో 10 మంది అరెస్ట్ చేశామని, ఇప్పటివరకు 62 కేసులు నమోదు చేశామని సిట్ ఐజీ నాగిరెడ్డి శుక్రవారం తెలిపారు. కోరుట్లలో అహ్మద్‌ఖాన్‌ను, భువనగిరిలో 9 మంది అరెస్ట్‌ చేశామని ఆయన చెప్పారు. భువనగిరిలో అరెస్టైన వారని పాశం శీను అనుచరులుగా గుర్తించామని తెలిపారు. పాశం శీనుతో కలిసి భువనగిరిలో కిడ్నాప్‌లు, బలవంత రిజిస్ట్రేషన్లకు పాల్పడ్డారని నాగిరెడ్డి వెల్లడించారు.