హైదరాబాద్: గ్రేటర్ హైదరాబాద్ మున్సిపల్ ఎన్నికల్లో తమను గెలిపిస్తే ప్రజల కనీస సౌకర్యాలను తీర్చేందుకు ప్రాధాన్యం ఇస్తామని కాంగ్రెస్ పార్టీ ప్రకటించింది. ఎన్నికల మేనిఫెస్టోను టి.పిసిసి అధ్యక్షుడు ఉత్తమ్‌కుమార్ రెడ్డి ఆదివారం గాంధీభవన్‌లో విడుదల చేశారు. తాగునీరు, రోడ్లు, పారిశుధ్యం విషయాలకు అధిక ప్రాధాన్యం ఇస్తామని, ఇంటింటికీ పైప్‌లైన్ ద్వారా వంటగ్యాస్ సరఫరా చేస్తామని ఆయన తెలిపారు.

హైదరాబాద్: హైదరాబాద్ కేంద్రీయ విశ్వవిద్యాలయంలో ఆమరణ దీక్ష చేస్తున్న విద్యార్థులను కాంగ్రెస్ నేతలు మల్లిఖార్జున ఖర్గే, ఉత్తమ్‌కుమార్ రెడ్డి, వి.హనుమంతరావు, మల్లు భట్టివిక్రమార్క తదితరులు ఆదివారం పరామర్శించారు. విద్యార్థుల ఆందోళనకు వారు సంఘీభావం ప్రకటించారు.రోహిత్ ఆత్మహత్య కేసులో దోషులను శిక్షించాలని డిమాండ్ చేశారు.

హైదరాబాద్: హైదరాబాద్ కేంద్రీయ విశ్వవిద్యాలయంలో విద్యార్థుల ఆమరణ దీక్షలు శనివారం కూడా కొనసాగుతున్నాయి. దీక్షలో పాల్గొంటున్న వారికి డాక్టర్లు వైద్య పరీక్షలు నిర్వహించారు. బిపి, షుగర్ లెవెల్స్ పడిపోవడంతో విద్యార్థుల ఆరోగ్య పరిస్థితి విషమిస్తోంది.

నల్గొండ: యాదగిరిగుట్టలో తెలంగాణ రాష్ట్ర ప్రభుత్వ ప్రధాన కార్యదర్శి రాజీవ్ శర్మ శనివారం ఉదయం పూజలు చేశారు. ఆలయం వద్ద ఆయనకు అర్చకులు పూర్ణకుంభంతో స్వాగతం పలికారు. సిఎస్ వెంట జిల్లా కలెక్టర్, తదితర అధికారులు పాల్గొన్నారు. యాదగిరిగుట్ట ఆలయ అభివృద్ధి సంస్థ సమావేశంలో రాజీవ్‌శర్మ పాల్గొంటారు.