హైదరాబాద్, జనవరి 22: ఆంధ్ర, తెలంగాణ రాష్ట్రాల్లో ఇసుక అక్రమ రవాణాను నిరోధించేందుకు కమిటీల నిర్మాణంపై మరి కొంత సమయం ఇవ్వాలని రెండు ప్రభుత్వాల న్యాయవాదులు హైకోర్టును కోరారు. ఇసుక అక్రమరవాణాపై దాఖలైన పిటిషన్లను హైకోర్టు ధర్మాసనం విచారించింది. ఈ పిల్‌ను కటకం మృత్యుంజయం దాఖలు చేశారు. గతంలో హైకోర్టు ఇసుక అక్రమ రవాణాను నిరోధించేందుకు రెండు రాష్ట్రాలు ఉన్నత స్ధాయి కమిటీలను ఏర్పాటు చేయాలని ఆదేశించింది.

సంగారెడ్డి, జనవరి 22: ఐదేళ్లుగా జీవనోపాధి కల్పిస్తున్న కన్నతల్లి లాంటి శాఖకు ఏకంగా ఓ చిరు ఉద్యోగి పెద్ద మొత్తంలో సున్నం పెట్టాడు. జిల్లా వ్యవసాయ శాఖ కార్యాలయంలో ఒక డాటా ఎంట్రీ ఆపరేటర్ రూ.3.13 కోట్ల రూపాయలు స్వాహా చేసిన ఉదంతం శుక్రవారం వెలుగు చూసింది.

హైదరాబాద్, జనవరి 22: ‘గ్రేటర్ హైదరాబాద్ ఎన్నికల్లో టిడిపి-బిజెపిలను ఆశీర్వదించండి..’ అని టి.టిడిపి అధ్యక్షుడు ఎల్. రమణ, బిజెపి తెలంగాణ శాఖ అధ్యక్షుడు జి. కిషన్ రెడ్డి ఓటర్లకు విజ్ఞప్తి చేశారు. గ్రేటర్ ఎన్నికల సందర్భంగా టియుడబ్ల్యుజె శుక్రవారం నిర్వహించిన మీట్-ది-ప్రెస్ కార్యక్రమంలో ఎల్. రమణ, కిషన్ రెడ్డి పాల్గొన్నారు.

గోదావరిఖని, జనవరి 22: దక్షణాది రాష్ట్రాల రైతులకు సరిపడే ఎరువులను అందించేందుకే రామగుండం ఎరువుల ఫ్యాక్టరీ పునరుద్ధరణ చేపట్టి పనులు ప్రారంభిస్తున్నామని కేంద్ర ఎరువుల, రసాయనాల సహాయ మంత్రి హన్సరాజ్ గంగారాం అహెర్ అన్నారు. ఇందుకోసం ప్రధాని ఫిబ్రవరి రెండవ వారంలో రామగుండం ఎరువుల ఫ్యాక్టరీ పునరుద్ధరణ పనులకు శంకుస్థాపన చేస్తారని తెలిపారు.