నిజామాబాద్, జూలై 1: నిజామాబాద్ జిల్లా సరిహద్దున మహారాష్ట్ర నిర్మించిన బాబ్లీ ప్రాజెక్టు గేట్లు తెరుచుకోవడంతో వరద జలాలు దిగువ గోదావరి వైపు పరుగులు తీశాయి. సుప్రీంకోర్టు తీర్పును అనుసరిస్తూ ఆదివారం బాబ్లీకి చెందిన మొత్తం 14 గేట్లను పైకి లేపడంతో ఎగువ ప్రాంతం నుండి వచ్చే ఇన్‌ఫ్లోకు అడ్డంకులు తొలగిపోయాయి.

హైదరాబాద్, జూన్ 30: పేదలకు పెద్దాసుపత్రులుగా పేరొందిన ఉస్మానియా, నిమ్స్ ఆసుపత్రుల్లో నూతన భవనాలను సాధ్యమైనంత త్వరగా నిర్మించేందుకు ప్రభుత్వం సిద్ధం అవుతోంది. గతంలో శిధిలావస్థలో ఉన్న భవనాలను కూల్చి ఆ స్థానంలో నూతన భవనాలు నిర్మించాలని నిర్ణయించింది. కాగా చారిత్రత్మక కట్టాల కూల్చివేతను కొంత మంది వ్యతిరేకించడంతో వెనెక్కి తగ్గింది.

హైదరాబాద్, జూన్ 30: మాస్టర్స్ ఇన్ హాస్పిటల్ మేనేజ్‌మెంట్ (ఎంహెచ్‌ఎం) కోర్సు కోసం ధరఖాస్తు చేసుకునే గడువును పొడగించారు. ఆసుపత్రుల నిర్వహన, అనుసంధాం తదితర రంగాల్లో శిక్షణ ఇచ్చేందుకు నిమ్స్ ఆసుపత్రి ప్రవేశపెట్టిన కోర్సులో మరికొంత మందికి అవకాశం కల్పించేందుకే ఈ నిర్ణయం తీసుకున్నట్టు అకడమిక్ ఇన్‌చార్జ్ మార్తా రమేష్ తెలిపారు. వచ్చేనెల 7వరకు అభ్యర్ధుల నుంచి ధరఖాస్తులను స్వీకరిస్తామని చెప్పారు.

హైదరాబాద్, జూన్ 30: ఎఐసిసి కార్యదర్శి, మాజీ ఎంపీ వి. హనుమంత రావు, టిఆర్‌ఎస్ ఎమ్మెల్సీ కర్నె ప్రభాకర్ పరస్పరం తీవ్ర స్థాయిలో విమర్శించుకున్నారు. ఎఐసిసి మాజీ అధ్యక్షురాలు సోనియా గాంధీని మంత్రి కె. తారక రామారావు విమర్శించడాన్ని విహెచ్ తీవ్రంగా అభ్యంతరం వ్యక్తం చేస్తూ హెచ్చరిక చేశారు. పైగా ముఖ్యమంత్రి కే. చంద్రశేఖర్ రావునుద్ధేశించి ‘నీ కుమారున్ని అదుపులో పెట్టుకో..’ అని తీవ్రంగా హెచ్చరించారు.