హైదరాబాద్, జూన్ 29: తెలంగాణ రాష్ట్రంలోని ప్రభుత్వ, ప్రైవేటు, ఎయిడెడ్ డిగ్రీ కాలేజీల్లో యుజీ అడ్మిషన్ల మూడో దశ కౌనె్సలింగ్ ప్రక్రియ ముగిసింది. శనివారం నాడు సీట్ల కేటాయింపు జరగనుంది. అనంతరం మరో విడత కౌనె్సలింగ్ జూలై రెండో వారంలో నిర్వహించనున్నట్టు ఉన్నత విద్యా మండలి ఉపాధ్యక్షుడు , దోస్త్ కన్వీనర్ ప్రొఫెసర్ లింబాద్రి పేర్కొన్నారు. దోస్త్‌లో ఇంత వరకూ 2,17,338 మంది రిజిస్టర్ చేసుకున్నారు.

హైదరాబాద్, జూన్ 28: ఇటీవల మోకాలి మార్పిడి శస్తచ్రికిత్స చేయించుకున్న మంత్రి పోచారం శ్రీనివాస్‌రెడ్డిని గురువారం మంత్రి హరీష్‌రావు పరామర్శించారు. ఈ సందర్భంగా ఆరోగ్య పరిస్థితిపై వైద్యులను ఆయన ఆరా తీశారు. పోచారం త్వరగా కోల్కొని తిరిగి సాదారణ స్థితికి రావాలని హరీష్ ఆకాంక్షించారు.

హైదరాబాద్, జూన్ 28: భారతదేశానికి లభించిన అరుదైన నాయకుడు మాజీ ప్రధాని పీవీ.నర్సింహారావు అని హోంమంత్రి నాయిని నర్సింహారెడ్డి అన్నారు. గురువారం పీవీ జయంతిని పురస్కరించుకొని నెక్లెస్‌రోడ్‌లోని పీవీ ఘాట్ వద్ద మంత్రి తలసాని శ్రీనివాస్ యాదవ్, మాజీ కేంద్ర మంత్రి బండారు దత్తాత్రేయ, ఎర్రబెల్లి దయాకర్ రావులతో కలిసి ఘనంగా నివాళ్ళర్పించారు. అనంతరం పీవీ చిత్రపటానికి పుష్పాంజలి సమర్పించారు.

హైదరాబాద్, జూన్ 28: బీసీ జనాభాకు అనుగుణంగా రాష్టవ్య్రాప్తంగా తగినన్ని బీసీ గురుకులాలను ఏర్పాటు చేయాలని డిమాండ్ చేస్తూ తెలంగాణ రాష్ట్ర బీసీ సంక్షేమ సంఘం ఇచ్చిన పిలుపు మేరకు గురువారం రాష్టవ్య్రాప్తంగా ఆందోళనలు కొనసాగాయి. రాష్ట్రంలోని 31 జిల్లా కలెక్టరేట్ల ముందు బీసీ విద్యార్ధి విభాగం ఆధ్వర్యంలో ముట్టడి కార్యక్రమాన్ని నిర్వహించారు.